අම්පාර දිස්ත්‍රික්කයේ ලාහුගල ප්‍රාදේශීය ලේකම් කොට්ඨාසයේ පිහිටා ඇති ක්‍රි.පූ.1-2 සියවස්වලට අයත් නීලගිරි ස්ථූප කැණීමෙන් අනාවරණ කර ගත් ධාතුන් වහන්සේලා සහ තායිලන්ත රජයෙන් ප්‍රදානය කළ ගංගාරාම විහාරස්ථානයේ තැන්පත් කර ඇති කේශ ධාතූන් වහන්සේලා මෙන්ම මහියංගන රජමහා විහාරයේ තැනපත් කර ඇති සර්වඥ ධාතුන් වහන්සේලා ඇමරිකාවේ ප්‍රදර්ශනය කිරීමට අවස්ථාව සලසා දීමට රජය තීරණය කර තිබෙනවා.
එම භාවනා මධ්‍යස්ථානයේ පූජ්‍ය රතන ගුණ ස්වාමීන් වහන්සේ සහ පූජ්‍ය පඤ්ඤාකර ස්වාමීන් වහන්සේ විසින් සිදුකළ ඉල්ලීමකට අනුවයි මෙම තීරණය ගෙන ඇත්තේ,
2026-05-02 දින සිට 2026-05-10 දින දක්වා ඇමරිකා එක්සත් ජනපදයේ ටෙක්සාස් ප්‍රාන්තයේ මහා විපස්සනා භාවනා මධ්‍යස්ථානයේ දී මෙම ධාතුන් වහන්සේලා ප්‍රදර්ශනය කිරීමටයි තීරණය කර ඇත්තේ.
ඒ, අනුව එම සර්වඥ ධාතූන් වහන්සේලා ඇමරිකා එක්සත් ජනපදයේ ටෙක්සාස් ප්‍රාන්තයේ මහා විපස්සනා භාවනා මධ්‍යස්ථානය වෙත වැඩම කරවීම සඳහාත්, එම සර්වඥ ධාතූන් වහන්සේලා වන්දනාමාන කිරීම සඳහා බැතිමතුන්ට අවස්ථාව ලබා දීම සඳහාත් බුද්ධ ශාසන, ආගමික සහ සංස්කෘතික කටයුතු අමාත්‍යවරයා විසින් ඉදිරිපත් කළ යෝජනාව අමාත්‍ය මණ්ඩලය විසින් අනුමතකර තිබෙනවා.
