ඉන්ධන ලබාගැනීමට බලාපොරොත්තුවෙන් ඉන්ධන පිරහුමි හල් අසල රැඳී සිටි පිරිසට තරුණ යුවලක ගෙන් අයිස්ක්රීම් දන්සලක් අද (23 ) දින පස්වරුවේදි වැලිගම නගරයේදී පැවැත්විණි.
වැලිගම නගරයේ සිපෙට්කෝ සහ අයි ඔ. සි ඉන්ධන පිරහුමි හල් දෙකක් පිහිටා ඇති අතර මෙ සදහා ඉන්ධන තොග ලැබී තිබුනත් ඉන්ධන ලබා ගැනීම සඳහා ඉන්ධන පිරවුම්හල් අසල දිනපතා දක්නට ලැබෙන යතුරුපැදි , ත්රී රෝද රථ සහ තවත් නොයෙකුත් රථ වාහන වල දිගු පෝලිම් වල අඩුවීමක් දක්නට නැත.
මෙහිදී එම රියදුරන් දිගු වේලාවක් දිගු පෝලිම් වල රැඳී සිටීමෙන් දැඩිලෙස මානසිකව සහ ශාරීරිකව පීඩාවට පත්ව තිබේ මේ නිසා එම රියැදුරන්ට විඩාව නිවා ගැනීම සඳහා අයිස්ක්රීම් ලබා දිමට තරුණ යුවලක් කටයුතු කළ ආකාරය පැසසුමට ලක් විය.
මෙම වටිනා කාර්ය සදහා වැලිගම පොල්වත්ත ප්රදේශයේ පදිංචි මලින්ද ඉඳුරංග මහතා සහ ඔහුගේ පෙම්වතිය වූ පෘතුගාල ජාතික මරියානා රොඩිරිගස් හිරුසන්දිකා යන දෙපල විසින් පාපැදියෙන් අයිස්ක්රීම් අලෙවි කරන පුද්ගලයෙකු ගෙන්වා ගෙන ඉන්ධන ලබා ගැනීමට වැලිගම නගරයේ සිපෙට්කෝ ඉන්ධන පිරහුමි හල අසල පෝලිමේ සිටි රියදුරන් සහ පිරිස වෙත අයිස්ක්රීම් ලබාදීමට කටයුතු කළහ.
මෙම යුවල විසින් පෙරදිනක කීප වතාවක් ද මෙම ස්ථානයේදී අයිස්ක්රීම් ලබාදීමට කටයුතු කළ බව ඔවුන් අප සමග පැවසීය.
