ශ්රී ලංකා ජාතික කණ්ඩායමේ එක්දින සහ විස්සයි විස්ස නව නායකයා ලෙස තේරී පත්වූ කුසල් මෙන්ඩිස් ඇතුළු එක්දින කණ්ඩායම අද (26) පස්වරුවේ බටහිර ඉන්දීය කොදෙව් දූපත් බලා පිටත්ව යාමට නියමිතයි.
බටහිර ඉන්දීය කොදෙව්හි පැවැත්වෙන එක්දින, විස්සයි විස්ස සහ ටෙස්ට් තරගාවලි සඳහා ශ්රී ලංකා සංචිතයන් ක්රිකට් ආයතන විසින් ඊයේ (25) ප්රකාශයට පත් කළ අතර ශ්රී ලංකා ක්රිකට් පරිපාලනයේ සිදු වූ නව වෙනස්කම්වලින් පසුව ජාතික කණ්ඩායම සහභාගී වන පළමු තරගාවලිය වන්නේ මෙම තරගාවලියයි.
ඒ අනුව නව මුහුණුවරින් ක්රිකට් පිටියට පිවිසෙන ශ්රී ලංකාවට, එක්දින සහ විස්සයි කණ්ඩායම්වල වගකීම කුසල් මෙන්ඩිස්හට හිමිව ඇති අතර සුපුරුදු පරිදි ටෙස්ට් කණ්ඩයමේ නායකත්වය ධනංජය ද සිල්වාට හිමිව තිබෙනවා.
එමෙන්ම මෙම ආකෘතින් තුන සඳහාම කණ්ඩායම්හි උප නායකත්වය හිමිව ඇත්තේ කමිඳු මෙන්ඩිස්ටයි.
තරග තුනකින් සමන්විත එක්දින තරගාවලියේ පළමු තරගය ලබන 03 වැනිදා ආරම්භ වීමට නියමිතයි.
