වාණිජ බැංකු සහ අනෙකුත් මූල්ය ආයතනවලට එරෙහිව පැමිණිලි ඉදිරිපත් කිරීම සඳහා ශ්රී ලංකා මහ බැංකුව මහජනතාව සඳහා නව මාර්ගගත පද්ධතියක් හඳුන්වා දී තිබෙනවා..
මහ බැංකුවට අනුව, මෙම ඩිජිටල් වේදිකාව මඟින් පාරිභෝගිකයින්ට තමන්ට පහසු ඕනෑම වේලාවක, ශ්රී ලංකා මහ බැංකුව විසින් නියාමනය කරනු ලබන ඕනෑම මූල්ය ආයතනයක් සම්බන්ධයෙන් තම දුක්ගැනවිලි ඉදිරිපත් කිරීමට අවස්ථාව හිමි වෙනවා.
ලේඛන කටයුතු භාවිතය අවම කිරීමෙන්, පද්ධතිය පරිපාලන ප්රමාදයන් ඉවත් කරන බවත්, වඩාත් කාර්යක්ෂම හා කාලෝචිත විසඳුම් ක්රියාවලියක් මෙමඟින් සහතික කරන බවයි මහ බැංකුව අවධාරණය කළේ.
පුද්ගලයන් පළමුව තම පැමිණිලි සෘජුවම අදාළ බැංකුවට හෝ මූල්ය ආයතනයට ඉදිරිපත් කළ යුතු අතර, මහ බැංකුවේ මාර්ගගත පද්ධතිය භාවිත කළ යුත්තේ ආයතනය ගැටලුව විසඳීමට අපොහොසත් වුවහොත් හෝ පාරිභෝගිකයා ඔවුන්ගේ අවසාන ප්රතිචාරය ගැන සෑහීමකට පත් නොවන්නේ නම් පමණයි.
මෙම ද්වාරය හරහා, පරිශීලකයින්ට තම පැමිණිලිවල තත්ය කාලීන තත්ත්වය සහ ප්රගතිය සෘජුවම නිරීක්ෂණය කළ හැකියි.
www.reachus.cbsl.lk වෙබ් අඩවියට පිවිසීමෙන් මහජනතාවට නව පැමිණිලි කළමනාකරණ පද්ධතියට ප්රවේශ විය හැකියි.
