බංග්ලාදේශ ක්‍රීඩකයින්ට අයි.පී.එල් තරගාවලියට සහභාගීවීම වැළැක්වීමට ඉන්දීය රජය විසින් කිසිදු දැනුම්දීමක් සිදුනොකළ බව ඉන්දීය ක්‍රිකට් පාලක මණ්ඩලය පවසනවා.
පසුගිය මාසයේ පැවති අයි.පී.එල් වෙන්දේසියේ දී බංග්ලාදේශ වේග පන්දු යවන ක්‍රීඩක මුස්තාෆිසුර් රහ්මාන් මිල දී ගැනීම පිළිබඳව මතුව ඇති සංවාද අතරතුර, බංග්ලාදේශ ක්‍රීඩකයින් ලීගයට සහභාගී වීම වැළැක්වීම සඳහා රජයෙන් කිසිදු නියෝගයක් ලැබී නොමැති බවයි ඉන්දීය ක්‍රිකට් පාලක මණ්ඩල ආරංචි මාර්ග නැවත අවධාරණය කළේ.
පසුගිය මාසයේ පැවති ක්‍රීඩක වෙන්දේසියේදී කොල්කටා නයිට් රයිඩර්ස් කණ්ඩායම රුපියල් කෝටි 9.20 කට බංග්ලාදේශ වේග පන්දු යවන ක්‍රීඩක මුස්තාෆිසුර් රහ්මාන් මිල දී ගනු ලැබුවා.
මුස්තාෆිසුර් රහ්මාන් වාර්තා අතරට එක් වුණේ මෙතෙක් පැවති අයි.පී.එල් ක්‍රීඩක වෙන්දේසිවල දී ඉහළම මිලක් ගෙවමින් මිලදී ගත් බංග්ලාදේශ ක්‍රීඩකයා බවට පත්වෙමින්.
බංග්ලාදේශයේ ආගමික සුළුතරයන්ට එරෙහිව මේ වනවිට සිදුවන ප්‍රචණ්ඩකාරී සිදුවීම් මාධ්‍යයේ මුස්තාෆිසුර් රහ්මාන් එළඹෙන අයි.පී.එල් තරගාවලියට පැමිණීම ඇතැමුන් ප්‍රශ්නකර සිටියා.
ඒ අතර ඉන්දීය දේශපාලන නායකයින් ද වනවා.
ඇතැම් ඉන්දීය දේශපාලන නායකයින් පැවසුවේ මුස්තාෆිසුර් රහ්මාන් මිල දී ගැනීමට කටයුතු කළ කොල්කටා කණ්ඩායමේ හිමිකාරිත්වය දරණ බොලිවුඩ් නළු ශාරුක් ඛාන් දේශද්‍රෝහියෙකු බවයි.
එමෙන්ම ආධ්‍යාත්මික ගුරු දේව්කිනන්දන් තාකූර් ද මුස්තාෆිසුර් රහ්මාන් කණ්ඩායමට එක්කර ගැනීම සම්බන්ධයෙන් බොලිවුඩ් නළු ෂාරුක් ඛාන්ව විවේචනයට ලක් කළා.
අසල්වැසි රටේ හින්දු භක්තිකයන්ට එරෙහි හිංසාවන් පිළිබඳ වාර්තා මධ්‍යයේ කණ්ඩායමට බංග්ලාදේශ ක්‍රීඩකයෙකු ඇතුළත් කර ගැනීම හින්දු භක්තිකයින්ට සිදුකළ අපහාසයක් බවයි ඔහු පැවසුවේ.
කෙසේ වෙතත් මෙම ගැටලුව සම්බන්ධයෙන් ප්‍රතිචාර දක්වමින් ඉන්දීය ක්‍රිකට් පාලක මණ්ඩලය වැඩිදුරටත් සඳහන් කර සිටියේ, බංග්ලාදේශ ක්‍රීඩකයින් තරගාලියට සහභාගී වීම වැළැක්වීමට රජයෙන් උපදෙස් දෙන කිසිදු සන්නිවේදනයක් ලැබී නොමැති බවයි.
මුස්ලිම් අන්තවාදී ත්‍රස්තවාදය සමාජ තුල ස්ථාපිත කරන්නේ සමාජ පිලිගත් වැදගත් යැයි සම්මත ක්‍රියාවන්ට රිංගා ගෙන ජනතාව මුලා කීරීමට ලක් කරමින්ය. එය ලෝක ජනතාව පැහැදිලි කිරීම මාධ්‍ය සතු අත්හල නොහැකි වගකීමකි.