නුවරඑළිය ලංගම ඩිපෝවේ සේවය කළ මුරකරුවෙක් ඝාතනය කර ඩිපෝව තුළ තිබූ රුපියල් ලක්ෂ 09කට ආසන්න මුදල්ක් කිසියම් පිරිසක් සොරාගෙන තිබෙනවා.
මේ සම්බධයෙන් නුවරඑළිය පොලිසිය විමර්ශනයක් ආරම්භ කර ඇති බවයි තොරතුරු වාර්තා වුණේ.
මෙලෙස ඝාතනයට ලක්ව ඇති මුරකරු නුවරඑළිය, ගල්පාය ප්රදේශයේ පදිංචිව සිටි 85 හැවිරිදි වියේ පසු වූ අයෙක්.
මුරකරුගේ හිසට තියුණු ආයුධයකින් පහර දී මෙම ඝාතනය සිදුකර ඇති අතර, අනතුරුව ඩිපෝවේ අල්මාරියක් තුළ තිබූ රුපියල් ලක්ෂ 09කට ආසන්න මුදලක් සොරාගෙන ගොස් ඇති බවයි වාර්තා වුණේ.
ඝාතනය සිදු වූ අවස්ථාවේ දී ඩිපෝවේ ස්ථාන භාර නිලධාරියා සහ මුදල් අයකැමිවරයා ඩිපෝව තුළ රැදී සිට ඇති අතර, ඔවුන් නින්දට ගොස් සිටිය දී මෙම අපරාධය සිදුකර ඇති බවට අනාවරණය වී තිබෙනවා.
ඊයේ (05) දින පස්වරුවේ එම ඩිපෝවේ ධාවනය කළ බස් රථවල ආදායම බැංකු ගත කිරීම සඳහා අල්මාරියේ තබා තිබූ මුදල් මෙලෙස සොරාගෙන ගොස් ඇති බවයි වාර්තා වුණේ.
