Rajapura Handi Oil
Rajapura Diabetic Powder

මුන්නේෂ්වරම් ඊශ්වර දේවාලය අසල ව්‍යාපාරික ස්ථාන හදිසි පරීක්ෂාවකට

හලාවත – මුන්නේෂ්වරම් ඊශ්වර දේවාලයේ මංගල්‍ය සමය තුළ පවත්වාගෙන යන ව්‍යාපාරික ස්ථාන හදිසි පරීක්ෂාවකට ලක් කිරීමට මහජන සෞඛ්‍ය පරීක්ෂකවරුන් කටයුතු කර තිබෙනවා.

දේවාලය අවට ස්ථීරව සහ තාවකාලිකව පවත්වාගෙන යන ව්‍යාපාරික ස්ථාන මෙහිදී පරීක්ෂා කර ඇති බවයි වාර්තා වන්නේ.

වෛද්‍ය පරීක්ෂණ වාර්තා නොමැතිව ආහාර ද්‍රව්‍ය අලෙවි කිරීම, ප්‍රමිතියෙන් තොර ප්ලාස්ටික් භාජනවල ආහාර ඇසිරීම, කෘමි සතුන් සහිත ආහාර අලෙවිය සඳහා ප්‍රදර්ශනය කර තිබීම සහ කල් ඉකුත් වූ ආහාර මෙන්ම විවිධ ලේබල් අඩුපාඩු සහිත ආහාර ද්‍රව්‍ය කෙරෙහි ද මහජන සෞඛ්‍ය පරීක්ෂකවරුන්ගේ අවධානය මෙහිදී යොමු වුණා.

ආහාර පනතට අදාළ නීති උල්ලංඝනය කළ ව්‍යාපාරිකයින්ට අධිකරණය හමුවේ නඩු පැවරීමට කටයුතු කර ඇති අතර, මිනිස් පරිභෝජනයට නුසුදුසු ආහාර විශාල ප්‍රමාණයක් ද විනාශයට ලක් කර තිබෙනවා.