පවතින ආර්ථික දුෂ්කරතා හේතුවෙන් මැතිවරණයට මුදල් ලබාදීමට නොහැකි බවට මුදල් අමාත්යංශ ලේකම්වරයා දැනුම් දුන් බව මැතිවරණ කොමිසමේ සභාපති නිමල් පුංචිහේවා පවසනවා.
මුදල් අමාත්යාංශ ලේකම්වරයා ඇතුළු නිලධාරීන් අද (17) මැතිවරණ කොමිෂන් සභාව හමුවට කැඳවා සිදුකළ සාකච්ඡාවේ දී යි මේ බව ප්රකාශ වී ඇත්තේ.
පසුගියදා නිකුත් කෙරුණු චක්රලේඛයක් සමගින් අත්යාවශ්ය සේවා සඳහා පමණක් මුදල් වෙන් කිරීමට හැකියාව තිබුණද මැතිවරණ කටයුතු එම චක්රලේඛය යටතේ අත්යවශ්ය සේවාවක් ලෙස නම් කර නොමැති බව මුදල් අමාත්යාංශ නිලධාරීන් පෙන්වා දී තිබෙනවා.
එසේ වුවද අත්යවශ්ය සේවා ගණයට අයත් නොවන ආයතන වෙත මුදල් නිකුත් කිරීමට නම් මුදල් අමාත්යවරයා ලෙස ජනාධිපති රනිල් වික්රමසිංහ මහතාගේ අනුමැතිය ලබාගත යුතු බවයි මුදල් අමාත්යාංශ නිලධාරීන් ප්රකාශ කර ඇත්තේ.
ඒ අනුව පළාත් පාලන මැතිවරණය පැවැත්වීම සඳහා අවශ්ය මුදල් ලබාදීමට නොහැකි බවයි මුදල් අමාත්යාංශයේ ලේකම්වරයා ජාතික මැතිවරණ කොමිසමට දැනුම් දී ඇත්තේ.
මේ අතර පළාත් පාලන මැතිවරණයට අදාළ තැපැල් ඡන්දය ප්රකාශ කිරීම කල් දැමූ බව ජාතික මැතිවරණ කොමිෂන් සභාව අද නිවේදනය කළා.
පෙබරවාරි 22, 23, 24 සහ 28 යන දිනවල පැවැත්වීමට නියමිතව තිබූ පළාත් පාලන මැතිවරණයට අදාළ තැපැල් ඡන්දය ප්රකාශ කිරීම කල් දමා ඇති බවයි කොමිසම කියාසිටියේ.
පළාත් පාලන මැතිවරණයේ තැපැල් ඡන්ද ප්රකාශ කිරීමේ නව දිනයන් පසුව ප්රකාශයට පත් කරන බව කොමිෂන් සභාව වැඩිදුරටත් සඳහන් කර තිබෙනවා.
රජයේ මුද්රණාලය වෙතින් තැපැල් ඡන්ද පත්රිකා නොලැබීම හේතුවෙන් මෙලෙස තැපැල් ඡන්දය ප්රකාශ කිරීම කල් දමා ඇති බවයි වාර්තා වන්නේ.
රජයේ මුද්රණාලයාධිපතිනි ගංගානි ලියනගේ හෙළිකර ඇත්තේ තම ආයතනයට ඡන්ද පත්රිකා මුද්රණය කිරීමට ප්රමාණවත් මුදල් ලබාදී නොමැති නිසා එය මුද්රණය කිරීමට නොහැකි වී ඇති බවයි.
MAHAJANA BADHU SALLI WALIN PADI GANNA MAHAJANA SEWAYATA KEPAWENA BAWA DIVURUM DUNNA ME SAKKILI WEDA KARANNE MAHAJANA MATHAYAK NATHI NEETHI WIRODHEE HARA JANADHIPATHI KENEK AHA NEETHI WIRODHEE AMATHI MANDALAYA MANTHREE MANDALAYA KIYANA LESAYI. MUN OKKOMA NAM KARALA CIVIL AYITHIWASIKAM KADA WEEEME NADUWAK IHALA USAWIYE FILE KARANNAMA ONA. DURDANTHA PALAKAYO KAWADAWATH OWA DENNE NAHE, MINISSU SATAN KARALA BALEN LABA GATHTHOTH MISAK. APITA AYITHI DEWAL HORA HATHTHA KATA BHUKTHI WINDHINNA DENNA BAHE. EKA API UDURA GANNAMA ONA. EKA APE AYITHIYAK