ඉන්දියාවේ නිල සංචාරයක නිරතවි සිටින මුදල් අමාත්ය බැසිල් රාජපක්ෂ මහතා ඉන්දීය විදේශ අමාත්ය එස්. ජයශංකර් මහතා හමුවී සාකච්ඡා පවත්වා තිබේ.
ඊයේ (16) පස්වරුවේ අදාළ සාකච්ඡාව පවත්වා ඇති බව එරට මාධ්ය වාර්තා වේ.දෙරටේ ආර්ථික හවුල්කාරීත්වය පිළිබඳව ඵලදායී සාකච්ඡාවක් පැවැත්වු බව ඉන්දීය විදේශ අමාත්ය එස්. ජයශංකර් සිය ට්විටර් ගිණුමේ සටහනක් තබමින් ප්රකාශ කර තිබේ.
මෙරට ජනතාවගේ අවශ්යතා සඳහා ඉන්දියාව අඛණ්ඩව සහාය දක්වන බව ඉන්දීය විදේශ අමාත්යවරයා සිය ට්විටර් ගිණුමේ සටහන් කර ඇත.
මේ අතර මුදල් අමාත්ය බැසිල් රාජපක්ෂ මහතා ඊයේ දිනයේ දී ඉන්දීය අග්රාමාත්ය නරේන්ද්ර මෝදී සහ ඉන්දීය විදේශ ලේකම් හර්ෂ වර්ධන් ශිංග්ලා මහතා ද හමුවී සාකච්ඡා පවත්වා තිබේ.දෙරට අතර ද්වීපාර්ශවික සබඳතාවලට අදාළ කරුණු රැසක් පිළිබඳව මෙම සාකච්ඡාවේ දී අවධානය යොමුවු බව ඉන්දීයාවේ පිහිටි ශ්රී ලංකා මහකොමසාරිස් කාර්යලය සඳහන් කළේය.
