ඇතැම්විට ලබන වසරේ මැද භාගය වනවිට පාර්ලිමේන්තු මහ මැතිවරණයක් පැවැත්වීමට රජය කටයුතු කරනු ඇති බවට සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා අනාවැකි පළකරනවා.
එමෙන්ම පළාත් සභා මැතිවරණය සහ පළාත් පාලන මැතිවරණයද හැකි ඉක්මණින් පවත්වන ලෙසයි ඔහු රජයට අභියෝග කරන්නේ.
සමගි ජන බලවේගයේ සාමාජිකයෙකු නොවන අයෙකු මීලග ජනාධිපතිවරණයේ පොදු අපේක්ෂකයෙකු ලෙස ඉදිරිපත් කිරීමට අපේක්ෂාවක් නොමැති බවද මහනුවර පැවති මාධ්‍ය හමුවකදී තිස්ස අත්තනායක මහතා සඳහන් කලා.
පොදු ප්‍රතිපත්තියක් යටතේ සමගි ජන සන්ධානය සමග එක්ව කටයුතු කිරීමට ඕනෑම දේශපාලන පක්ෂයකට අවස්ථාව පවතින බවයි තිස්ස අත්තනායක මහතා කියා සිටියේ.
