මීගොඩ, ආටිගල පාර ප්‍රදේශයේ දී ඊයේ (12) සිදුකළ වෙඩි තැබීමෙන් මිය ගිය හෝමාගම ප්‍රාදේශිය සභාවේ හිටපු මන්ත්‍රිවරයෙකු වූ ශාන්ත මුදුන්කොටුවගේ පශ්චාත් මරණ පරීක්ෂණය සිදුකර තිබෙනවා.
හෝමාගම මූලික රෝහලේ දී සිදුකළ පශ්චාත් මරණ පරීක්ෂණයේ දී අනාවරණය වී ඇත්තේ වෙඩි ප්‍රහාරයෙන් පෙනහළු තුළට ලේ ගමන් කිරීම මෙම මරණයට හේතුව වී ඇති බවයි.
ඊයේ (12) පස්වරුවේ සුදුපැහැති මෝටර් රථයකින් පැමිණි පිරිසක් පිරිසක් විසින් මෙම වෙඩි තැබීම සිදුකර පළාගොස් තිබූ අතර, වෙඩික්කරුවන් පැමිණි මෝටර් රථය තලංගම, පාලම් තුන හන්දිය ප්‍රදේශයේ දී රියදුරු සමඟ අත්අඩංගුවට ගෙන තිබුණා.
එහිදී මෝටර් රථය පරීක්ෂා කිරීමේ දී ඒ තුළ තිබී වෙඩි තැබීමට යොදාගත් ගිනි අවිය, පතොරම් 14ක් පතොරම් ගැබක්, බැංකු කාඩ්පත් 04 සහ ජංගම දුරකථන 08ක් විමර්ශන නිලධාරීන් විසින් සොයාගෙන තිබෙනවා.
එමෙන්ම අත්අඩංගුවට ගැනුණු 30 හැවිරිදි වියේ පසුවන සැකකරු සන්තකයේ තිබි අයිස් මත්ද්‍රව්‍ය ග්‍රෑම් 10යි මිලි ග්‍රෑම් 600ක ප්‍රමාණයක් ද සොයාගත් බවයි පොලිසිය සඳහන් කළේ.
මේ අතර මෙම සිද්ධිය සම්බන්ධයෙන් විමර්ශන කිරීමට විශේෂ පොලිස් කණ්ඩායම් 03ක් පත් කර තිබෙනවා.
