මියන්මාරයට අයත් දැවැන්ත බෝට්ටුවක් මඩකලපුව – වාකරේ මුහුදු තීරයට ගොඩගසා තිබෙනවා.
ඊයේ (31) පස්වරුවේ මෙම බෝට්ටුව ගොඩගසා ඇති බවයි මඩකලපුව – වාකරෙයි කොට්ඨාසයේ පාල්චේනයි ප්‍රදේශවාසීන් පැවසුවේ.
උණ බම්බුවලින් ඉදිකර ඇති මෙම බෝට්ටුවේ ඉංග්‍රීසි බසින් මියන්මාරය ලෙස දැක්වෙන අතර එම රටේ ජාතික ධජය ද සවිකර තිබෙනවා.
බෝට්ටුවේ ඉවුම් පිහුම් උපකරණ සහ සමහර ආහාර ද්‍රව්‍ය මෙන්ම දර උඳුනක පිසීමේ සලකුණු ද සොයාගත හැකි බවත් මේ සම්බන්ධයෙන් වාකරේ පොලිසිය සහ නාවික හමුදාව එක් ව පරීක්ෂණ පවත්වන බවයි දසත ප්‍රාදේශීය වාර්තාකරු පැවසුවේ.
