විදෙස් ගතව සිට මෙරට මත්ද්රව්ය ජාවාරම් සහ පාතාල ක්රියාකාරකම් මෙහෙය වූ ප්රබල ගණයේ අපරාධකරුවන් තිදෙනෙක් මේ වනවිට පොලිස් අත්අඩංගුවේ පසුවන බව ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් පවසනවා.
ජ්යෙෂ්ඨ නියෝජ්ය පොලිස්පතිවරයා සඳහන් කළේ ඉදිරි මාස 06ක කාලය තුළ පාතාල ක්රියාකාරකම් සම්පූර්ණයෙන්ම මැඬපැවැත්වීමට සැලසුම් ක්රියාත්මක වෙමින් පවතින බවයි.
මේ අතර විවිධ අපරාධ ක්රියාකාරකම්වල නිරතවන අය සම්බන්ධයෙන් තොරතුරු පොලිසියට ලබා දී මහජනතාව වශයෙන් ඒ සඳහා සහාය දක්වන ලෙසයි ඔහු වැඩිදුරටත් පැවසුවේ.
එමෙන්ම පාසල් දරුවන් ඉලක්ක කරගනිමින් මත්ද්රව්ය ජාවාරමේ නිරතවන අයවලුන් මර්ධනයට පොලිසිය සමඟ සහසම්බන්ධ වී කටයුතු කරන ලෙසට ද ඔහු ඉල්ලා සිටියා.
සංවර්ධන ලොතරැයි මණ්ඩලයේ උත්සවයකට එක්වෙමින් ජ්යෙෂ්ඨ නියෝජ්ය පොලිස්පතිවරයා අද (29) මේ බව සඳහන් කළා.
