තෙදින නිල සංචාරය සඳහා මාලදිවයින බලා පිටත්ව ගිය ජනාධිපති අනුර කුමාර දිසානායක මාලදිවයින වෙත ළඟා වී තිබෙනවා.
මාලදිවයිනේ වේලානා ජාත්යන්තර ගුවන්තොටුපොළ වෙත ජනධිපතිවරයාව, මාලදිවයින් ජනාධිපති ආචාර්ය මොහොමඩ් මුයිසු සහ එරට ජ්යෙෂ්ඨ රාජ්ය නිලධාරීන් විසින් උණුසුම් අයුරින් පිළිගනු ලැබුවා.
මේ අතර ජනාධිපතිවරයාගේ නිල පිළිගැනීමේ උත්සවය අද (28) පස්වරුවේ මාලේ නගරයේ ජනරජ චතුරශ්රයේදී පැවැත්වීමට නියමිතව තිබෙනවා.
මාලදිවයින් ජනාධිපති ආචාර්ය මොහොමඩ් මුයිසු මහතාගේ ආරාධනයකට අනුව ජනාධිපති අනුර කුමාර දිසානායක අද (28) පෙරවරු 7.30ට ශ්රී ලන්කන් ගුවන් සේවයේ යූ.එල්.- 101 දරණ ගුවන් යානයෙන් මාලදිවයින බලා දිවයිනෙන් පිටත්ව ගියා.
අද 28 සිට ලබන 30 වනදා දක්වා සිදුකෙරෙන රාජ්ය සංචාරය අතරතුරදී, ජනාධිපති අනුර කුමාර දිසානායක මාලදිවයින් ජනාධිපතිවරයා ඇතුළු එරට ඉහළ පෙළේ නියෝජිතයන් සමඟ ද්විපාර්ශ්වික සාකච්ඡා පැවැත්වීමට නියමිතයි.
ශ්රී ලංකා – මාලදිවයින් අන්යෝන්ය සහයෝගීතාව වර්ධනය කිරීම සඳහා අවබෝධතා ගිවිසුම් කිහිපයක් හුවමාරු කර ගැනීමට ද නියමිතව තිබෙනවා.
එමෙන්ම, මෙම රාජ්ය සංචාරය අතරතුර, ජනාධිපතිවරයා මාලදිවයිනේ ශ්රී ලංකා මහකොමසාරිස් කාර්යාලය විසින් සංවිධානය කරනු ලබන ව්යාපාරික සංසද හමුව ඇමතීමට සහ මාලදිවයිනේ වෙසෙන ශ්රී ලාංකික ප්රජාව හමුවීමට ද නියමිත බවයි වාර්තා වුණේ.
