වලංගු වීසා නොමැතිව රැදී සිටි විදේශීය ජාතිකයන් 14 දෙනෙක් වලාන මධ්යම දූෂණ මර්දන ප්රහාරක බලකාය මඟින් අත්අඩංගුවට ගෙන තිබෙනවා.
කළුතර උතුර පොලිස් වසමේ මහ වස්කඩුව, කළුතර ලිපිනයේ පිහිටි ප්රසිද්ධ හෝටලයක් තුළ රැදී සිටින විදේශිකයින් පිරිසක් අන්තර්ජාලය හරහා නීති විරෝධී ක්රියාවල නිරත වන බවට වලාන මධ්යම දූෂණ මර්දන ප්රහාරක බලකායේ අධ්යක්ෂ සහකාර පොලිස් අධිකාරී රොහාන් ඕලුගල වෙත ලද තොරතුරකට අනුව නිලධාරින් කණ්ඩායමක් යොදවා ඊයේ (14 ) සිදුකරන ලද වැටලීමකදී එම හෝටලය තුල වලංගු වීසා නොමැතිව රැදී සිටි විදේශීය ජාතිකයන් 14 දෙනෙක් අත්අඩංගුවට ගෙන කළුතර මහෙස්ත්රාත් අධිකරණය වෙත ඉදිරිපත් කිරීමට කටයුතු කර තිබෙනවා.
මෙම වැටලීමේදී වලංගු වීසා නොමැතිව මෙරට රැඳී සිටි චීන ජාතික පිරිමි පුද්ගලයන් 10 ක්ද, එක් මැලේසියානු ජාතික පිරිමි පුද්ගලයෙක් ද, චීන ජාතික කාන්තාවන් දෙදෙනෙකු සහ එක් මැලේසියානු ජාතික කාන්තාවක් ද අත්අඩංගුවට ගැනීමට සමත් වූ බවයි වාර්තා වන්නේ.
මෙම විදේශීය ජාතිකයන් රැඳී සිටි මෙම සංචාරක හෝටලය තුල ව්යාපාරයක් ලියාපදිංචි කර, එම ව්යාපාරය මුවාවෙන් පරිගණක අපරාධ සිදු කිරීම සඳහා, දැවැන්ත මෙහෙයුම් මධ්යස්ථානයක් සඳහා වන මූලික ඉදිකිරීම් කටයුතු සිදුකරමින් තිබෙන අතරතුරදී මෙම වැටලීම සිදුකර තිබෙනවා.
