මහමග සිටි ගවයෙකු කිසියම් පිරිසක් විසින් රියකින් පැමිණ පැහැරගෙන ගිය පුවතක් වාර්තා වී තිබෙනවා.
මෙම සිදුවීම වාර්තා වන්නේ වාද්දූව – තල්පිටිය ප්‍රදේශයෙන්.
අප ප්‍රාදේශීය වාර්තාකරු පැවසුවේ මහමග සිටි ගවයෙකු නන්නාදුනන පිරිසක් පැමිණ කුදලාගෙන යන ආකාරය අසල සවිකර තිබූ සීසීටීවී කැමරාවක සටහන් ව ඇති බවයි.
අද අලුයම 3ට පමණ වාද්දුව පොලිස් වසමේ තල්පිටිය ප්‍රදේශයට පැමිණි කුඩා ප්‍රමාණයේ ලොරි රථයකින් දුම්රිය මාර්ගය අසල සිටි ගවයකු ඉතා අමානුෂික ලෙස පටවාගෙන යන අයුරුයි කැමරාවේ සටහන් ව ඇත්තේ.
එම ලොරි රථය එම ස්ථානයෙන් කිහිපවතාවක් ම ගමන් කරන ආකාරය ද දැකගන්නට ලැබී තිබෙනවා.
මෙම සොරකමට සම්බන්ධ ලොරි රථය සොයා වාද්දූව පොලීසිය මේ වනවිට පරීක්ෂණ ආරම්භ කර ඇති බවයි වාර්තාවන්නේ.
