මෙම වසරේ මේ දක්වා කාලය තුළ පොලිස් නිලධාරීන් 310 කට අසන්න සංඛ්යාවක් වැඩ තහනමකට ලක්ව ඇති බව මහජන ආරක්ෂක අමාත්ය ආනන්ද විජේපාල පවසනවා.
ඉන් නිලධාරීන් 58 දෙනෙකු මත්ද්රව්ය චෝදනා වැරදි සම්බන්ධ වැරදි මත වැඩ තහනමට ලක්ව ඇති බවයි අමාත්යවරයා පැවසුවේ.
ඌව පළාතේ පොලිස් නිලධාරීන් දැනුම්වත් කිරීමේ වැඩසටහනකට ඊයේ (09) එක්වෙමින් අමාත්යවරයා මේ බව සඳහන් කළා.
මෙහිදී අදහස් දක්වමින් අමාත්යවරයා සඳහන් කර සිටියේ අවංකව සහ කැපවීමේ රාජකාරී ඉටුකරන පොලිස් නිලධාරීන්ට අවශ්ය සියලු රැකවරණය අමාත්යාංශයක් ලෙස සහ අමාත්යවරයා ලෙස තමනුත් ලබාදෙන බවයි.
වැඩිදුරටත් අදහස් දක්වමින් අමාත්යවරයා සඳහන් කර සිටියේ මහජනතාවට සෑහීමකට පත්වන සේවාවක් සැපයීමට පොලිසිය තවමත් අසමත් වී ඇති බවයි.
තැන තැන වෙඩි තැබීම සිදුවන බවත්, මත්ද්රව්ය ව්යාප්තිය වර්ධනය වී ඇති බවත් මහජන ආරක්ෂක අමාත්යවරයා මෙහිදී අදහස් දක්වමින් පවසා සිටියා.
තාක්ෂණය අතින් අතිශය ඉහළ ස්ථානයක් සමාජය අත්පත් කරගෙන ඇති මොහොතක පොලිස් සේවය ද වඩා ප්රමිතිගත විය යුතු බවයි ඔහු සඳහන් කළේ.
