පුත්රයා විසින් සිය මවගේ අතේ ඇඟිලි තුනක් කොටයක් උඩ තබා වෙන්වන සේ මන්නයකින් කපා දැමූ පුවතක් වැල්ලවාය, හදපානාගල ප්රදේශයෙන් වාර්තා වනවා.
එලෙස මවගේ ඇඟිලි කපා දැමූ පුත්රයා විසින් සිය සහෝදරියකට ද පිහියකින් පහර දී ඇති බවයි වාර්තා වුණේ.
මෙම ප්රහාර සමඟ අතේ ඇඟිලි වෙන් වූ මව සහ තුවාල ලැබූ සහෝදරිය වැල්ලවාය මූලික රෝහලට ඇතුළත් කිරීමට කටයුතු කර ඇති බව සඳහන්.
එහිදී බරපතළ තත්ත්වයේ සිටි මව වැඩිදුර ප්රතිකාර සදහා කොළඹ ජාතික රෝහලට මාරුකර යවා තිබෙනවා.
සිද්ධියට සම්බන්ධ සැකකාර පුත්රයා වැල්ලවාය පොලිසිය විසින් අත්අඩංගුවට ගෙන ඇති බවයි අප වාර්තාකරු සඳහන් කළේ.
අත්අඩංගුවට ගැනුණු සැකකරු වයස අවුරුදු 30ක පුද්ගලයෙක් වන අතර ඔහු වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
මෙම පහරදීම්වලට නිශ්චිත හේතුවක් මේ වන තෙක් අනාවරණය වී නොමැති බවයි පොලිසිය සඳහන් කළේ.
