ඇලපාත කෙහෙල්ඕවිටගම ප්රදේශයේ වතු නිවාසයක තිබී මවකගේ සහ කුඩා දරුවෙකුගේ මළ සිරුරු හමුවී තිබෙනවා.
මියගොස් ඇත්තේ එම ප්රදේශයේම පදිංචි 21 හැවිරිදි එක්දරු මවක් සහ අවුරුදු දෙකක කුඩා පිරිමි දරුවෙක්.
ප්රදේශවාසීන්ගෙන් පොලිසියට ලැබුණු තොරතුරකට අනුවයි අද පස්වරුවේ මෙම සිරුරු සොයාගෙන ඇත්තේ.
පොලිසිය සැක කරන්නේ මෙම කාන්තාව තම දරුවා ඝාතනය කර පසුව සියදිවි නසාගෙන ඇති බවටයි.
මෙම කාන්තාවගේ සැමියා මීට දින කිහිපයකට පෙර නිවසින් පිටව ගොස් ඇති බවට ද පොලිස් විමර්ශනවලදී හෙළිවී තිබෙනවා.
මහේස්ත්රාත් පරීක්ෂණයෙන් අනතුරුව පශ්චාත් මරණ පරීක්ෂණය සඳහා සිරුරු රත්නපුර රෝහලට යොමුකර ඇතැයි සඳහන්. සිද්ධිය සම්බන්ධයෙන් ඇලපාත පොලිසිය පරීක්ෂණ සිදු කරනවා.
