මන්නාරම් දෝණියේ සැඟව ඇති ඩොලර් බිලියන 267 ක් වටිනා තෙල් සහ ගෑස් සම්පත තුළින් රටේ සමස්ත ණය ප්රමාණය මෙන් කිහිප ගුණයක ආදායමක් ඉපයිය හැකි බව බලශක්ති අමාත්ය උදය ගම්මන්පිල මහතා ඊයේ (08) වැනිදා සඳහන් කළේය.
මන්නාරම් ද්රෝණියේ තෙල් සහ ගෑස් කැණීම් සිදු කරන ආයෝජකයන්ට සියයට 50 ක කොටසක් ලබා දුන්නද ඩොලර් බිලියන 133.5 ක ආදායමක් රජයට අත්කරගත හැකි අතර එය රටේ සමස්ත ණය වටිනාකම වන ඩොලර් බිලියන 47 මෙන් තුන් ගුණයකට ආසන්න වන බව ඒ මහතා එහිදී පෙන්වාදී තිබේ.
මන්නාරම් ද්රෝණියේ ඇති ගෑස්වලින් පමණක් නොරොච්චෝලේ බලාගාරය වසර 120 ක් ක්රියා කළ හැකි බවත් එහි ඇති තෙල්වලින් පමණක් සපුගස්කන්ද තෙල් පිරිපහදුව වසර 143ක් ක්රියාත්මක කළ හැකි බවද වාර්තා වේ.
තෙල් හා ගෑස් ගවේශණය සඳහා තෙල් ළිං 07 ක් කැණීමේදී ඉන් එකක් සාර්ථක වීම සාමාන්ය තත්ත්වයක් වන අතර එහෙත් මෙරටදී කැණීම් සිදුකළ ළිං 04න් 03 ක්ම සාර්ථක වී තිබේ.
