පාර්ලිමේන්තුව අද (17) පෙරවරු 9.30ට කතානායක කථානයක ජගත් වික්‍රමරත්නගේ ප්‍රධානත්වයෙන් රැස්වීමට නියමිතයි.
පෙබරවාරි මාසයේ දෙවන පාර්ලිමේන්තු සතිය අද (17) සිට ලබන 20 වන දින දක්වා රැස්වීමට නියමිතව තිබෙනවා.
මේ අතර අද දිනයේ දී පාර්ලිමේන්තු විශ්‍රාම වැටුප් ඉවත් කිරීමේ පනත් කෙටුම්පත දෙවන වර කියවීමේ විවාදය පැවැත්වීමට නියමිතයි.
අදාළ විවාදය පෙරවරු 11.30 සිට පස්වරු 5.00 දක්වා පැවැත්වෙන බව පාර්ලිමේන්තු මහලේකම් කාර්යාලය සඳහන් කළේ.
විවාදයෙන් අනතුරුව අද (17) පස්වරුවේ ඡන්ද විමසිම සිදුකෙරෙනු ඇති.
මෙම පනත් කෙටුම්පතට අනුව පනත සම්මත කිරීමෙන් අනතුරුව මෙතෙක් විශ්‍රාම වැටුප් ලැබූ මන්ත්‍රීවරුන්ට අදාළ විශ්‍රාම වැටුප අහිමි වන අතර දැනට පාර්ලිමේන්තුවේ සිටින මන්ත්‍රීවරුන්ට විශ්‍රාම වැටුප් හිමිකම අහෝසි වනවා.
