ඇමරිකානු හමුදා විසින් එක රැයකින් සිදුකරන ලද මෙහෙයුමකින් වෙනිසියුලානු ඒකාධිපති නිකොලස් මදුරෝ අල්ලා ගැනීමෙන් පසුව, රුසියානු ජනාධිපති ව්ලැඩිමීර් පුටින් ද ඇමරිකානු හමුදාව රුසියාවට යවා අත්අඩංගුවට ගන්නා ලෙස යුක්රේන ජනාධිපති වොලොඩිමියර් සෙලෙන්ස්කි එක්සත් ජනපදයෙන් ඉල්ලා සිටිනවා.
රුසියන් ජනාධිපති ව්ලැඩිමීර් පුටින් යුක්රේනයට එරෙහිව හමුදාව මෙහෙයවමින් යුද අපරාධ සිදුකරන අයෙකු බවත් ඔහුට එරෙහිව ජාත්යන්තර වරෙන්තු ඇති බවත් වොලොඩිමියර් සෙලෙන්ස්කි පවසා තිබෙනවා.
සෙනසුරාදා යුරෝපීය ජාතික ආරක්ෂක උපදේශකයින් හමුවීමෙන් පසු මාධ්යවේදීන්ට අදහස් දක්වමින් යුක්රේනය නායකයා පවසා ඇත්තේ, ඒකාධිපතියන් සමඟ මේ ආකාරයෙන් කටයුතු කළ හැකි නම්, ඊළඟට කුමක් කළ යුතු දැයි එක්සත් ජනපදය දන්නා බවයි.
යුක්රේනය ආක්රමණය කිරීමෙන් වසර තුනක් ගතවී ඇතත්, රුසියාව යුක්රේනයට ප්රහාර එල්ල කිරීම දිගටම කරගෙන යන බැවින්, ට්රම්ප් ජනාධිපතිවරයා පුටින්ට ද ඒ ආකාරයෙන්ම කටයුතු කළ යුතු බවට තමන් යෝජනා කරන බවයි වොලොඩිමියර් සෙලෙන්ස්කි වැඩිදුරටත් පවසා ඇත්තේ.
මේ අතර වෙනිසියුලානු ජනාධිපතිවරයා සමඟ අල්ලා ගත් ඔහුගේ වන බිරිඳ සීලියා ෆ්ලෝරස් නිදහස් කරන ලෙස ට්රම්ප් පරිපාලනයට ඉල්ලා සිටි රටවල් කිහිපයක් අතර රුසියාව ද සිටිනවා.
ඒක වැරැදි කතාවක් , යුද්ධයක් කියන්නේ විනාසයක්, ඒවගේම රටක යුද්ධයක් ඇති වුනොත් එම යුද්ධය ඇතිකරපු රටේ බලවතුන් නොවෙයි විනාසයට පත්වෙන්නේ, කිසිම දෙයක් නොදත් හය හතර දරුවන්නුත් රටේ අහිංසක වැසියන්නුත් තමන්ගේ උපන් මව්බිමයි විනාසයට පත්වෙන්නේ… මුලින් යුක්රේන ජනාධිපති එයාගේ රටේ යුද්ධයක් ඇතිවෙන්න කලින් මුලින්ම සාමය පතා , මුලින්ම වලක්වන්න උත්සහ නොකර එක් වැරැද්දක් කරලා තියන එකෙන් තමන්ගේ රටට ලැබිලා තියන ප්රතිවිපාක තේරුන් නොගන හා පාඩමක් ඉගෙන නොදත් කමටයි මේ විදියට අදහසක් එළිකරලා තියෙන්නේ, යුක්ෙර්න ජනාධිපති කියන විදියට කරොතින් මෙම වර්ෂ 2026 ට නරකම කාලයක් අප ලෝක වාසින්ට උදාවේවී,.. විශේෂයෙන්ම අප වගේ දුප්පත් රටවල් වගේ හැම දෙයක්ම පිටරටින් ගෙන්න ගෙන කාකා බිබී ඉන්න හා ණය බරින් හෙම්බත් වී සිටින කිසිම අංශයෙන් කින්වත් දියුණුවක් නැති අප වගේ රටවල් වලට තමයි මෙය වැඩියෙන්ම බලපාන්නේ… අප ලෝක වාසින් සෑම දෙනාම ප්රාර්ථනා කරන්න ඕනේ ලෝක සාමයයි.