මත්ද්‍රව්‍ය තොගයක් රැගෙන ආ බවට සැකකෙරෙන බහු දින යාත්‍රාවක් ශ්‍රී ලංකාවට දකුණු දෙසින් වූ ජාත්‍යන්තර මුහුදේ දී නාවික හමුදාව ඊයේ (16) රාත්‍රී කාලයේ සිය භාරයට ගෙන තිබෙනවා.
මෙහිදී අදාළ බහුදින යාත්‍රාවේ සිටි පුද්ගලයින් පස්දෙනෙක් නාවික හමුදාව විසින් අත්අඩංගුවට ගෙන ඇති බවයි වාර්තා වන්නේ.
බහුදින යාත්‍රාව සහ සැකකරුවන් මේ වනවිට ගාල්ල වරාය වෙත රැගෙන එමින් සිටින බවයි නාවික හමුදා මාධ්‍ය ප්‍රකාශක කමාන්ඩ් බුද්ධික සම්පත් සඳහන් කළේ.
ශ්‍රී ලංකා නාවික හමුදාව, වෙරළාරක්‍ෂක දෙපාර්තමේන්තුව හා එක්ව එම මුහුදු ප්‍රදේශයේ වැඩිදු‍ර සෝදිසි මෙහෙයුම් තවදුරටත් සිදුකරමින් සිටිනවා.
