මොරටුව බස් නැවතුම්පොළෙන් පිටත් වන බස් රථයන්හි රියදුරන් සහ කොන්දොස්තවරුන් මත්ද්‍රව්‍ය පානය කර ඇත්දැයි සොදිසි කිරිම සදහා හදිසි වෛද්‍ය පරීක්ෂණයක් අද (05) උදැසන සිට සිදු කරනු ලැබුවා.
මොරටුව සහ ගල්කිස්ස පොලිස් ස්ථානවල නිලධාරීන්, මාර්ගස්ථ මගී ප්‍රවාහන අධිකාරියේ කළමනාකරු රවී වෙත්තසිංහ ඇතුළු නිලධාරීන් පිරිසකගේ සහභාගීත්වයෙන් සිදු කෙරෙනු මෙම පරීක්ෂාව පැය 06ක පමණ කාලයක් පැවැත්වුණා.
එහිදී බස් රථ රියදුරන් සහ කොන්දොස්තරවරුන් 250 ක් පමණ පරික්ෂණයට භාජනය වූ බවයි වාර්තා වන්නේ.
පරික්ෂාවට භාජනය වූ එම පිරිස අතරින් පුද්ගලයන් 08 දෙනෙක් විෂ මත්ද්‍රව්‍යක් භාවිතා කර ඇති බවට තහවුරු වු බව ජාතික ප්‍රවාහන වෛද්‍ය ආයතනයේ ප්‍රධාන වෛද්‍ය නිලධාරීණි සමරසේකර පවසනවා.
ගංජා මත්ද්‍රව්‍ය භාවිත කර ඇති පුද්ගලයන් 05 දෙනෙක්, හෙරොයින් භාවිතා කර ඇති එක් අයෙක් සහ අයිස් මත්ද්‍රව්‍ය භාවිතා කර ඇති එක් අයෙක්, අයිස් හා හෙරොයින් යන මත්ද්‍රව්‍ය දෙකම පානය කරන එක් අයෙක් වශයෙන් මුළු ගණන 08 දෙනක් මෙම වෛද්‍ය පරීක්ෂණයෙන් මත්ද්‍රව්‍ය භාවිතා කර ඇති බවට තහවුරු වූ බව පොලිසිය සඳහන් කළා.
මත්ද්‍රව්‍ය භාවිතා කර ඇතැයි තහවුරු වූ සැකකරුවන් අධිකරණය වෙත ඉදිරිපත් කිරීමට නියමිතයි.
Good 🥰