විදෙස් ගතව සැඟව සිටියදී අත්අඩංගුවට ගෙන දැනට බන්ධනාගාර ගතව සිටින සංවිධානාත්මක අපරාධ සහ මත්ද්රව්ය ජාවාරම්වලට සම්බන්ධ සැකකරුවෙක් මත්ද්රව්ය ජාවාරමෙන් නීති විරෝධී ආකාරයෙන් උපයා ගන්නා ලද මුදලින් මිළදි ගත් බවට සැක කරන දේපල සම්බන්ධව නීතිවිරෝධී වත්කම් කොට්ඨාසය විසින් විමර්ශනයක් ආරම්භ කර තිබෙනවා.
විමර්ශනයට අනුව, මෙම සැකකරු විසින් ඔහුගේ සමීපතමයින්ගේ නමින් නීති විරෝධී ආකාරයට උපයා ගත් මුදල් යොදවා දේපල මිලට ගෙන ඇති බවත්, මුදල් විශුද්ධිකරණය වැළැක්වීමේ පනතේ සඳහන් වැරදි සිදුකර ඇති බවට පිලිගත හැකි සාක්ෂි අනාවරණය වී ඇති බව පොලිසිය පවසනවා.
මේ ආකාරයට නීති විරෝධී ලෙස උපයා ගන්නා ලද මුදලින් මිලට ගෙන ඇති රුපියල් කෝටි 07ක් පමණ වටිනා සුඛෝපභෝගී බස් රථ දෙකක් ඊයේ (07) දින සිට මුදල් විශුද්ධිකරණය වැළැක්වීමේ පනතේ සඳහන් ප්රතිපාදන ප්රකාරව ක්රියා විරහිත කිරීමේ නියෝග නිකුත් කර ඇති අතර මෙම එක් බස් රථයක වර්තමාන හිමිකරු මුදල් විශුද්ධිකරණය සඳහා ආධාර අනුබල දීම යටතේ ඊයේ (07) දින අත්අඩංගුවට ගෙන තිබෙනවා.
සැකකරු වයස අවුරුදු 41 ක් වන ඇඹිලිපිටිය ප්රදේශයේ පදිංචිකරුවෙක්.
නීති විරෝධි වත්කම් විමර්ශන අංශය මඟින් වැඩිදුර විමර්ශන සිදු කරගෙන යනු ලබනවා.
