නීතිවිරෝධී අයුරින් සහ සත්ත්වයින්ට පීඩාවක් ගෙනදෙන අයුරින් මී ගවයින් ප්රවාහනය කරමින් තිබූ ලොරි රථ 03ක් සැකකරුවන් සමග අත්අඩංගුවට ගෙන තිබෙනවා.
අද (29) පස්වරුවේ ගල්කිරියාගම ප්රදේශයේ සිට මෙම ලොරි රථ පැමිණීමේ දී මඩාටුගම ප්රදේශයේ දි පොලිස් අත් අඩංගුවට ගෙන ඇත්තේ ලද රහස්ය ඔත්තුවක් මත බවයි අප ප්රාදේශීය වාර්තාකරු පැවසුවේ.
මෙම ලොරි රථ තුළ මී ගවයින් 49 දෙනෙකු සිට ඇති බවත් එම සත්ත්වයින්ව ගල්කිරියාගම සිට මුලතිව් වෙත ප්රවාහනය කරමින් සිට ඇති බවත් සිදු කළ මූලික පොලිස් විමර්ශනවල දී අනාවරණය වී තිබෙනවා.
මෙලෙස පොලිස් අත්අඩංගුවට ගෙන ඇති ලොරිරථ ගනේවල්පොල ප්රදේශයේ පුද්ගලයකුට අයත් ඒවා බවයි හෙළි ව ඇත්තේ.
සැකකරුවන් ගනේවල්පොල, හිනුක්කිරියාව ප්රදේශවල පදිංචිකරුවන් වන අතර සැකකරුවන් තිදෙනාව හෙට (30) කැකිරාව මහේස්ත්රාත් අධිකරණයට ඉදිරිපත් කිරීමට නියමිතයි.
