මට්ටක්කුලිය -අලිවත්ත ප්රදේශයේදී තරුණයෙකුට වෙඩි තැබූ බවට සැකකෙරන පුද්ගලයින්ගේ නිවාස කිහිපයකට ඔහුගේ සගයින් පිරිසක් පහර දී තිබෙනවා.
ඊයේ (12) දින පස්වරුවේ ස්කුටර් වර්ගයේ යතුරුපැදියකින් පැමිණි දෙදෙනෙකු තරුණයෙකු ඉලක්ක කර වෙඩි ප්රහාරයක් එල්ල කිරීමටයි කටයුතු කර තිබුණේ.
එහිදී වෙඩික්කරුවන්ගේ ඉලක්කය වූ 24 හැවිරිදි අශාන් මදුරංග හෙවත් අලිවත්තේ විරාජ් දිවි ගලවා ගලවා ගැනීමට සමත්ව තිබුණා.
පොලිසිය ප්රකාශ කළේ වෙඩික්කරුවන් පැමිණි යතුරු පැදියෙන්ම පලා ගොස් ඇති බවයි .
කෙසේ වෙතත්ල මෙම සිදුවීමට අදාළව තවදුරටත් මට්ටක්කුලිය පොලීසිය විසින් විමර්ශන සිදුකරන අතර මේ වනවිට සිද්ධියට අදාළ සී.සී.ටීවී දර්ශන කිහිපයක්ද මාධ්ය වෙත නිකුත් වී තිබෙනවා
මේ අතර වෙඩි ප්රහාරයෙන් අනතුරුව එහි ඉලක්කය වූ පුද්ගලයාගේ පාර්ශ්වයේ පිරිසක් මට්ටක්කුලිය – අලිවත්ත ප්රදේශයේ තවත් නිවාස 04කට පහර දී අලාභ හානි සිදුකර තිබුණා.
පහරදීම සඳහා එම පිරිස පැමිණෙන ආකාරයද සී.සී.ටීවී දර්ශනවල සටහන්ව තිබුණා.
ප්රහාරයට ලක් වූ නිවැසියන් චෝදනා කරන්නේ අදාළ වෙඩිතැබීම තම පාර්ශ්වයෙන් සිදුවූ බව පවසමින් මෙම ප්රහාරය එල්ල කළ බවයි.
කෙසේ වෙතත් මෙම ප්රහාරයෙන් කිසිවෙකුටත් තුවාල සිදුව නැහැ.
මෙම පහරදීමට අදාළව මට්ටක්කුලිය පොලීසිය විසින් සැකකරුවන් 15 දෙනෙක් මේ වන විට අත්අඩංගුවට ගෙන තිබෙනවා.
