රිය අනතුරකින් බරපතල තුවාල ලබා නිවසේ ප්‍රතිකාර සිටියදි මියගිය ලද පුද්ගලයෙකුගේ මිහිදන් කරන ලද දේහයක් නැවත ගොඩ ගෙන තිබෙනවා.
ඒ බණ්ඩාරවෙල මහේස්ත්‍රාත් කේ. ජීවරානි මහත්මිය ඉදිරියේදී යි.
මෙලෙස ගොඩගනු ලැබුවේ ගෝඩුන්න ඇල්ල ප්‍රදේශයේ පදිංචිව සිටි 39 වියෙහි පසුවූ පුද්ගලයෙකුගේ සිරුරයි.
2018 වසරේ ඔක්තෝබර් මස 30 වනදා ඇල්ල පස්සර මාර්ගයේ 7 කණුව ප්‍රදේශයේ දී රිය අනතුරකින් හිසට සිදු වූ බරපතල තුවාල හේතුවෙන් රෝහල්ගතව ප්‍රතිකාර ලබා පසුව නිවසේ සිට ප්‍රතිකාර ලබමින් පසුවුණා.
එලෙස ප්‍රතිකාර ලබමින් සිටියදී යි ඔහු පසුගිය ජූලි මස 08 වනදා නිවසේදී මියගොස් ඇත්තේ.
පසුව මේ පිළිබඳව පොලිසිය වෙත කරුණු නොදන්වා මියගිය පුද්ගලයාගේ මළ සිරුර ඔහුගේ ඥාතින් විසින් ජුලි මස 09 වනදා ගෝඩුන්න පොදු සුසාන භූමියේදී මිහිදන් කර තිබුණා.
ඒ අනුව මේ සම්බන්ධයෙන් පොලිසිය බණ්ඩාරවෙල මහේස්ත්‍රාත් අධිකරණය වෙත කරුණු වාර්තා කිරීමෙන් පසු අදාළ දේහය ඊයේබණ්ඩාරවෙල මහේස්ත්‍රාත්වරිය, බදුල්ල ශික්ෂණ රෝහලේ විශේෂඥ අධිකරණ වෛද්‍යවරයා සහ මියගිය පුද්ගලයාාග් ඥාතින් ඇතුළු පිරිසක් ඉදිරි ගොඩ ගැනීම සිදු කර තිබෙනවා.
අදාළ මෘතදේහය පිළිබඳ පශ්චාත් මරණ පරීක්ෂණය සඳහා බදුල්ල රෝහලේ තැන්පත් කර ඇති අතර බණ්ඩාරවෙල පොලිසිය වැඩිදුර විමර්ශන සිදු කරනවා.
