නීතිවිරෝධී මත්ද්‍රව්‍යයක් ලෙස සැලකෙන හෙරොයින් සන්තකයේ තබාගෙන සිටි විහාරාධිපති හිමි නමක් පෙරේදා (08) දින කන්තලේ මහේස්ත්‍රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර තැබීමට නියෝග කෙරුණා.
මෙම සැකකාර හිමිනම සන්තකයේ හෙරොයින් ග්‍රෑම් 4යි මිලිග්රැම් 200ක් තිබී සොයාගැනුණේ කන්තලේ කොට්ඨාස අපරාධ විමර්ශන අංශයේ නිලධාරීන් පිරිසක් විසින් පසුගිය 07 දින භාතියගම පෙදෙසේ සිදු කළ හදිසි මෙහෙයුමක දී හෙරොයින් සමග අත්අඩංගුවට ගත් තරුණයෙකුගෙන් සිදුකළ ප්‍රශ්න කිරීමේ දී යි.
තමා විහාරාධිපති හිමියන් සමග එක්ව හෙරෝයින් පානය කළ බව එම තරුණයා පොලීසියට පවසා තිබෙනවා.
ඒ අනුව පොලීසිය විසින් විහාරස්ථානයේ සිදු කරන ලද පරීක්ෂා කිරීමේ දී මෙම හෙරොයින් ප්‍රමාණය සොයාගැනීමට පොලීසියට හැකි වුණා.
මෙම හිමිනම 2024 වර්ෂයේ ජනවාරි මාසයේ දී ද හෙරොයින් සන්තකයේ තබාගෙන අත්අඩංගුවට පත්ව ඇති බව පොලිසිය පවසනවා.
කන්තලේ කොට්ඨාස භාර ජ්‍යේෂ්ඨ පොලිස් අධිකාරි තිස්ස විතානගේ මහතාගේ උපදෙස් මත සහකාර පොලිස් අධිකාරි අකිල කරුණාරත්නගේ මෙහෙයවීමෙන් කොට්ඨාස අපරාධ විමර්ශන අංශයේ වැඩබලන ස්ථානාධිපති පොලිස් පරීක්ෂක ප්‍රදීප් මුණසිංහ ඇතුළු පොලිස් කණ්ඩායමක් විසින් මෙම මෙහෙයුම සිදු කරනු ලැබුවා.
මෙසේ රක්ෂිත බන්ධනාගාරගත කෙරුණේ කන්තලේ – භාතියගම පෙදෙසේ විහාරස්ථානයක 40 හැවිරිදි විහාරාධිපති හිමි නමක්.
