ඉන්දියාවේ මධ්ය ප්රදේශ්හි පුද්ගලයෙක් ගෙළ වැළලාගෙන සියදිවි හානිකර ගැනීමෙන් දින කිහිපයකට පසු; ඔහුගේ බිරිඳ ඔහුව අල්ලාගෙන සිටියදී ඔහුගේ දියණියන් ඔහුට පහර දෙන ආකාරය දැක්වෙන වීඩියෝවක් සමාජ මාධ්යයේ පළකර තිබෙනවා.
ඉන්දීය මාධ්ය වාර්තා කළේ මෙම වීඩියෝවෙන් පසු; ඔහු සියදිවි නසා ගැනීමෙන් මිය ගියා ද නැතහොත් ඝාතනය කළා ද යන්න පිළිබදව පොලිසියට සැකයක් මතුව ඇති බවයි.
මෙලෙස මියගොස් ඇති හරේන්ද්ර මෞර්ය නැමැති පුද්ගලයාගේ දේහය මරණ පරීක්ෂණය සඳහා යොමු කිරීමටයි මේ වනවිට කටයුතු කර ඇත්තේ.
විදුලි කාර්මිකයෙකු වන මෙම පුද්ගලයා දියණියන් තිදෙනෙකුගේ සහ පුතෙකුගේ පියෙක් වනවා.
අසල්වැසියන් සහ ඔහුගේ ඥාතීන් පවසන්නේ මෙම පුද්ගලයා සහ බිරිඳ අතර නිරන්තරයෙන් ගැටුම් ඇතිවන බවයි.
පසුගිය පළමු වනදා දින ඔහු තම දියණියන් දෙදෙනෙකුගේ විවාහ මංගල්යයන් සිදුකර ඇති අතර, එම විවාහයෙන් ටික දිනකට පසු, ඔහුගේ බිරිඳ පවසා ඇත්තේ තමන්ට ඔහුගෙන් වෙන්වී ජීවත්වීමට අවශ්ය බවයි.
මේ සමඟ කලකිරී නිවසක කාමරයකට වී හුදෙකලාව සිටි හරේන්ද්ර කාමරය තුළ එල්ලී සියදිවි හානිකරගෙන සිටිය දී සොයාගත් බවයි පවුලේ සාමාජිකයින් පොලිසියට පවසා ඇත්තේ.
ඔහුගේ මරණයෙන් පසු අසල්වැසියන් චෝදනා කළේ හරේන්ද්ර සියදිවි නසාගෙන මිය ගියේ නිවසේ නිතර ඇති වන ආරවුල් හේතුවෙන් බවයි.
කෙසේ වෙතත්, ඔහුගේ මාමණ්ඩියන් චෝදනා කළේ ඔහුව ඝාතනය කර ඇති බවයි.
අදාළ වීඩියෝව සමාජ මාධ්යයේ සංසරණය වීමත් සමඟ හරේන්ද්රගේ මරණය පිළිබඳව පොලිසියට ද මේ වනවිට සැකයක් මතුව තිබෙනවා.
මේ අතර ජ්යෙෂ්ඨ පොලිස් නිලධාරිනී දීපාලි චන්දෝරියා පැවසුවේ, මළ සිරුර පශ්චාත් මරණ පරීක්ෂණය සඳහා ග්වාලියර් වෛද්ය විද්යාලයට යවා ඇති බවත්, වාර්තාව මත පදනම්ව ඉදිරි පියවර ගන්නා බවයි.
