බගවන්තලාව පොලිසිස් ස්ථානයේ බැරැක්කයේ නිදාගෙන සිටි පොලිස් කොස්තාපල්වරයෙකුට එම පොලිසියේම සේවය කරන තවත් නිලධාරියෙක් තියුණු ආයුධකින් ඇන බරපතළ තුවාල සිදුකර තිබෙනවා.
බරපතළ තුවාල ලැබූ කොස්තාපල්වරයා අද (07) අලුයම දික්ඔය මූලික රෝහලට ඇතුළත් කර ඇති බවයි වාර්තා වුණේ.
අධික ලෙස බීමතින් සිට ඇති මෙම පොලිස් නිලධාරින් දෙදෙනා පොලිස් ස්ථානය තුළ දී ඊයේ (06) රාත්රියේ බහින්බස් වීමක් සිදුව ඇති බවයි තොරතුරු වාර්තා වන්නේ.
පසුව බහින් බස්වීමට සම්බන්ධ වූ එක් පොලිස් කොස්තාපල්වරයෙක් බැරැක්කයේ නිදා සිටිය දී අනෙක් පොලිස් නිලධාරියා තියුණු ආයුධයකින් ඔහුගේ උදරයට ඇන තුවාල සිදුකර තිබෙනවා.
මෙම සිද්ධිය සම්බන්ධයෙන් විධිමත් පරීක්ෂණයක් සිදුකර පහරදීමට සම්බන්ධ බව කියන පොලිස් නිලධාරියා අත්අඩංගුවට ගෙන අධිකරණය වෙත ඉදිරිපත් කරන බවයි හැටන් කොට්ඨාසය භාර ජ්යෙෂ්ට පොලිස් අධිකාරි ප්රදීප් වීරසේකර සඳහන් කළේ.
