මේ වනවිට රඳවාගෙන ප්රශ්න කරමින් සිටින සංවිධානාත්මක අපරාධ කල්ලි සාමාජිකයෙක් වන බැකෝ සමන් නැමැත්තා ලබාදුන් තොරතුරු මත ඔහුගේ තවත් සමීපතමයෙකු අත්අඩංගුවට ගෙන තිබෙනවා.
තංගල්ල අපරාධ විමර්ශන කොට්ඨාසයේ නිලධාරීන් සූරියවැව ප්රදේශයේ දී අද (14) දින මෙම සකකරු අත්අඩංගුවට ගෙන ඇති බවයි වාර්තා වුණේ.
මෙලෙස අත්අඩංගුවට ගැනුණු සැකකරු 39 හැවිරිදි වියේ පසුවන අයෙක්.
අත්අඩංගුවට ගැනුණු සැකකරු සන්තකයේ තිබී විදෙස් රටක නිෂ්පාදිත පිත්තෝලයක්, ජීව උණ්ඩ 40ක් සහ හෙරොයින් ග්රැම් 250ක් ද පොලීසිය විසින් සොයාගෙන තිබෙනවා.
සැකකරු හම්බන්තොට මහේස්ත්රාත් අධිකරණය වෙත ඉරිපත්කිරීමට නියමිතව තිබුණා.
මේ අතර බැකෝ සමන්ගේ තවත් ගෝලයෙක් ඊයේ (13) දිනයේ ඇඹිලිපිටිය ප්රදේශයේ දී අත්අඩංගුවට ගැනුණා.
ඔහු ලබන 24 වනදා දක්වා රක්ෂිත බන්ධනාගාරගතකර කිරීමටයි ඇඹිලිපිටිය මහේස්ත්රාත්වරයා නියෝග කර ඇත්තේ.
