බාල වයස්කරුවෙක් පැදවූ කැබ් රථයක ගැටීමෙන් භික්ෂූන් වහන්සේ අටනමක් අපවත් වෙති

ඊසානදිග තායිලන්තයේ මුක්දහාන් පළාතේ පාගමනක යෙදී සිටි භික්ෂූන් වහන්සේලා පිරිසක් වෙත බාලවයස්කාර දරුවෙකු පැදවූ කැබ් රථයක් කඩා වැදීමෙන් අද (02) සිදු වූ අනතුරකින් භික්ෂූන් වහන්සේලා 08 නමක් අපවත් වී තිබෙනවා.

මෙම අනතුරින් තවත් භික්ෂූන් වහන්සේලා 13 නමකට බරපතළ තුවාල සිදුව ඇති බවයි විදෙස් වාර්තා පවසන්නේ.

අනතුරින් භික්ෂූන් වහන්සේලා පස් නමක එම ස්ථානයේදීම අපවත් වී ඇති අතර, බරපතළ තුවාල ලබා රෝහල්ගත කළ භික්ෂූන් වහන්සේලා අතරින් තිදෙනෙකු රෝහලේ දී අපවත් වී තිබෙනවා.

අනතුරට පත් වූ කැබ් රථය 11 හැවිරිදි ළමයෙක් විසින් පදවා ඇති බවයි අනාවරණය වී ඇත්තේ.

ඔහු දෙමාපියන්ගේ හෝ භාරකරුවෙකුගේ කිසිදු අවසරයකින් තොරව මෙම වාහනය පදවාගෙන විත් මෙම මාරක අනතුර සිදුකර තිබෙනවා.