පාකිස්තාන ක්රිකට් කණ්ඩායමේ එක්දින තරග නායකත්වය දරන බාබර් අසාම් නායකත්වයෙන් ඉල්ලා අස්වී තිබෙනවා.
ක්රීඩා මාධ්ය වාර්තා කරන්නේ; බාබර් මෙම වසර ඇතුළත සිය ධුරයෙන් ඉල්ලා අස් වූ දෙවැනි වතාව මෙය බවයි.
පන්දුවාර 20 ලෝක කුසලානයෙන් ඉවතට වීසිවීමෙන් පසුව ද බාබර්ගේ නායකත්වයට එරෙහිව දැඩි විවේචන එල්ල වූ අතර එහිදී ද ඔහු නායකත්වයෙන් ඉවත් වුණා,
නමුත් පාකිස්තාන ක්රිකට් මණ්ඩලයේ ඉල්ලීම මත යළිත් එම තනතුර භාරගත් බාබර් දැඩි කලකිරීමකින් නායකත්වය සමුදී ඇති බවයි වාර්තා වන්නේ.
නායකත්වයට වැඩි වගකීම් කොටසක් ඉටු කිරීමට සිදුවීම හේතුවෙන් තමන් හට පෞද්ගලික පිතිකරණයෙහි දක්ෂතා මගහැරී ඇති බවට බාබර් විශ්වාසය පළ කර තිබෙනවා.
X හි දීර්ඝ සටහනක් තබමින් බාබර් අසාම් සඳහන් කර ඇත්තේ;
“මගේ පිතිකරණයට ප්රමුඛත්වය දීමට සහ මගේ පවුලේ අය සමඟ ගුණාත්මක කාලයක් ගත කිරීමට” පවතින අවශ්යතාව මත මෙම තීරණය ගත් බවයි.
එමෙන්ම ඔහු වැඩිදුරටත් පවසන්නේ;
“මම පකිස්ථාන පිරිමි ක්රිකට් කණ්ඩායමේ නායකත්වයෙන් ඉල්ලා අස්වීමට තීරණය කර තිබෙනවා. මෙම කණ්ඩායමට නායකත්වය දීමට ලැබීම ගෞරවයක්, නමුත් මට ඉවත් වී මගේ ක්රීඩා භූමිකාව කෙරෙහි අවධානය යොමු කිරීමට කාලයයි. නායකත්වය ප්රතිලාභදායක අත්දැකීමක් වී ඇත, නමුත් එය සැලකිය යුතු කාර්යභාරයක් එකතු කර ඇත..”යනුවෙන් එහි සඳහන්.
