මාතලේ පොලිස් වසමේ අතිරහපිටිය ප්රදේශයේ දී තියුණු ආයුධයකින් පහර දී පුද්ගලයෙක් ඝාතනය කර තිබෙනවා.
ඊයේ (24) පෙරවරුවේ මෙම අපරාධය සිදුව ඇති අතර, ඝාතනයට ලක්ව ඇත්තේ වයස අවුරුදු 64ක පුද්ගලයෙක්.
මෙම පුද්ගලයා සහ ඔහුගේ පුත්රයා අතර ඇති වූ බහින් බස් වීමක් දුරදිග යාම හේතුවෙන් පුත්රයා විසින් මෙම ඝාතනය සිදුකර ඇති බවට දැනට සිදුකරන ලද විමර්ශනයේ දී අනාවරණය වී තිබෙනවා.
වයස අවුරුදු 33ක් වන සැකකාර පුත්රයා අත්අඩංගුවට ගෙන ඇති අතර, මාතලේ පොලිසිය විසින් වැඩිදුර විමර්ශන සිදුකරනු ලබනවා.
