බලුච් කේන්ද්ර කරගනිමින් හටගන්නා සිවිල් විරෝධතාවලට පොලිස් මර්දනකාරී වැඩපිළිවෙළක් ක්රියාත්මක වීම ගැන ජාත්යන්තර ක්ෂමා සංවිධානයේ දැඩි කනස්සල්ල හිමි ව තිබෙනවා.
විදෙස් මාධ්ය වාර්තා කළේ; පාකිස්තානයේ ලියාරි හි බලුච් විරෝධතා මේ දිනවල උත්සන්න වී ඇති බවයි.
බලුච් යක්ජෙහ්ටි කමිටුව (BYC) විසින් සංවිධානය කරන ලද සාමකාමී බලමුලු ගැන්වීමේ ව්යාපාරයක් අතරතුර, කරච්චි – ලියාරි හි විරෝධතාකරුවන්ට එල්ල කළ “දැඩි පොලිස් මර්දනය” දකුණු ආසියානු ජාත්යන්තර ක්ෂමා සංවිධානය විසින් හෙළා දැක තිබෙනවා.
X හි සටහනක් තබමින් ජාත්යන්තර ක්ෂමා සංවිධානය පැවසුවේ; බලුච් අයිතිවාසිකම් පිළිබඳ දැනුවත්භාවය ඉහළ නැංවීමේ අරමුණින් පැවති විරෝධතාවට අධික පොලිස් බලයක් එල්ල වූ බවත්, පොලිසිය කාන්තාවන් කිහිප දෙනෙකු පැය ගණනක් රඳවා තබාගෙන නිදහස් කළ බවයි.
BYC හි මධ්යම නියෝජ්ය සංවිධායක ලාලා වහබ් බලුච් ඇතුළු පිරිමි විරෝධතාකරුවන් 09 දෙනෙකු කිසිදු විධිමත් චෝදනාවක් ගොනු නොකර රඳවා තබාගෙන සිටින බවටත් පොලිසියට චෝදනා එල්ල වී තිබෙනවා.
ජනවාරි 25 වන දින බලුකිස්තානයේ ඩල්බන්ඩින් හි පැවැත්වීමට නියමිත රැලියට පෙර බලුච් ක්රියාකාරීන් ඉලක්ක කර ගනිමින් හිරිහැර කිරීමේ සහ බිය ගැන්වීමේ ප්රවණතාව ඉහළ යාම පිළිබඳව මානව හිමිකම් සංවිධානය අනතුරු අඟවා ඇති බවයි වාර්තා වන්නේ.
සාමකාමී විසම්මුතිය මැඩපැවැත්වීමේ පැහැදිලි උත්සාහයක් ලෙස බලධාරීන් ඔවුන්ගේ උත්සාහයන් තීව්ර කර ඇති අතර, BYC නායකයින්ට එරෙහිව අපරාධ නඩු පවරා ඇති බව ද විදෙස් මාධ්ය වාර්තා කරනවා.
