යතුරු පැදියකින් ගංජා ප්රවාහනය කළ අයෙක් තණමල්විල ප්රදේශයේදී අත්අඩංගුවට ගෙන තිබෙනවා.
මොණරාගල කොට්ඨාස දූෂණ මර්දන අංශයේ නිලධාරීන් පිරිසක් විසින් තණමල්විල පොලිස් බල ප්රදේශයට අයත් බලහරුව ප්රදේශයේ සිදු කළ වැටලීමකදීයි මොහු අත්අඩංගුවට ගෙන ඇත්තේ.
පොලීසිය පැවසුවේ මෙම පුද්ගලයා යතුරු පැදියකින් වියළි ගංජා කිලෝග්රෑම් නවයයි ග්රෑම් පන්සීයක් ප්රවාහනය කරමින් සිටියදී අත්අඩංගුවට ගත් බවයි.
මොහු සන්තකයේ තිබී අත්අඩංගුවට ගත් ගංජා තොගයේ වටිනාකම රුපියල් ලක්ෂ අටකට ආසන්න බවයි පොලීසිය පැවසුවේ.
අත්අඩංගුවට ගත් සැකකරු එම ප්රදේශයේම පදිංචි පුද්ගලයකු වන අතර සැකකරු වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතයි.
සිද්ධිය සම්බන්ධයෙන් මොණරාගල කොට්ඨාස අපරාධ විමර්ශන අංශය වැඩිදුර විමර්ශන සිදුකරනු ලබනවා.
ඔබේ ප්රතිචාරය කුමක්ද ?
+1
+1
+1
+1
2
+1
+1
+1
