බීමත්ව අපරික්ෂාකාරී ලෙස ත්රීවීල් රථයක් පදවා නියම මංතීරුවේ ගමන් කළ කාන්තාවක්ව හප්පා එම කාන්තාවට බරපතළ තුවාල සිදු කිරීම ඇතුළු තවත් චෝදනා 07 කට වරදකරු වූ ත්රීවිල් රථ රියැදුරුට වසර දෙකක ලිහිල් සිරදඬුවමක් ගම්පහ මහේස්ත්රාත්වරිය ඊයේ (27) වෙනිදා නියම කර තිබෙනවා.
විත්තිකරුට චෝදනා හත සඳහා රුපියල් එක් ලක්ෂ පනස්දහසක දඩ මුදලක් සහ තුවාලකාරිය ට රුපියල් 60,000 ක වන්දි මුදලක් ගෙවීමට නියම කෙරුණු අතර දඩ මුදල් සහ වන්දි මුදල් නොගෙවන්නේනම් නම් වසර දෙකක සිර දඬුවමක් නියම කෙරුණා.
විත්තිකාර ත්රීවිල් රථ රියදුරු නියම වූ එම දඩ මුදල සහ වන්දි මුදල නොගෙවීම හේතුවෙන් වසර දෙකක සිර දඬුවම ක්රියාත්මක කෙරුණා.
විත්තිකරු ගම්පහ , ඔරුතොට පාරේ පදිංචිකරුවෙක්.
නොසැලිකිලිමත් ලෙස ත්රීවිල් රථයක් ධාවනය කර කාන්තාවකට බරපතළ තුවාල සිදු කිරීම, අපරික්ෂාකාරී ලෙස රිය ධාවනය,
අනතුරක් වලක්වා නොගැනීම, රියදුරු බලපත්රයක් නොමැතිව රිය පැදවීම, වලංගු රක්ෂණ සහතිකයක් නොමැතිව රිය පැදවීම , ආදායම් බලපත්රයක් නොමැතිව රිය පැදවීම සහ බීමත්ව රිය පදවා බරපතළ තුවාල සිදු කිරීම යන චෝදනාව 07 ට දඩ සහ
බරපතල තුවාල සිදු කිරීමේ චෝදනාවට වන්දි ගෙවීමට විත්තිකාර ත්රීවිල් රථ රියදුරුට දීර්ඝ නඩු විභාගයකින් අනතුරුව
මෙසේ නියම කෙරුණා.
2021 වර්ෂයේ ඔක්තෝම්බර් මස 21 දින එම අනතුර ඔරුතොට පාරේ දී සිදුකර තිබූ බවට පැමිණිල්ල මෙහෙයවමින් ගම්පහ පොලීසියේ රථවාහන අංශයේ ස්ථානාධිපතිවරයා අධිකරණය හමුවේ පවසා තිබෙනවා.
