බදුල්ලේ ගිය රාත්‍රී තැපැල් දුම්රියට ගල් පර්වතයක් කඩා වැටෙයි (ඡායාරූප)

කොළඹ කොටුවේ සිට බදුල්ල බලා ධාවනය වෙමින් තිබූ රාත්‍රී තැපැල් දුම්රියට අද (17) අලුයම පස් සමඟ විශාල ගල් පර්වතයක් කඩා වැටීමෙන් අනතුරක් සිදුව තිබෙනවා.

උඩරට දුම්රිය මාර්ගයේ හපුතලේ සහ දියතලාව යන දුම්රිය ස්ථාන අතර මෙම අනතුර සිදුව ඇති බවයි වාර්තා වන්නේ.

මේ හේතුවෙන් එම මාර්ගයේ දුම්රිය ධාවනයට බාධා සිදුව ඇතැයි දුම්රිය දෙපාර්තමේන්තුව සඳහන් කළා.

රාත්‍රී තැපැල් දුම්රිය අද (17) අලුයම හපුතලේ දුම්රිය ස්ථානය පසුකර දියතලාව දුම්රිය ස්ථානය දෙසට ධාවනය වෙමින් තිබිය දී සැතපුම් 156/13 කණුව අසල දී එක්වරම කඳු මුදුනේ තිබූ විශාල ගල් පර්වතයක් පස් සමඟ ධාවනය වෙමින් තිබූ රාත්‍රි තැපැල් දුම්රිය මතට වැටී ඇති බවයි වාර්තා වුණේ.

මෙම අනතුරින් කිසිවකුට හානියක් සිදුව නැහැ.