පන්දුවාර 20 ක්රිකට් ලෝක කුසලාන තරගාවලියේ ඊයේ (13) පැවති තරගය ජය ගන්නට බංග්ලාදේශ කණ්ඩායම සමත් වුණා.
අමෙරිකාවේ කින්ග්ස්ටවුන් හි දී පැවති මෙම තරගයේ කාසියේ වාසිය දිනාගත් නෙදර්ලන්ත නායක Scott Edwards පළමු ව පන්දු යැවීම තීරණය කළේ ලකුණු පුවරුව නිර්මාණය කිරීමේ අවස්ථාව ප්රතිවාදී බංගලීන්ට පිරිනමමින්.
ඊට සාර්ථක පිළිතුරක් සැපයූ බංග්ලාදේශය සිය පන්දු වාර 20 අවසානයේ දී කඩුලු 05ක් දැවී ලකුණු 159ක් ලබාගත්තා.
ශකීබ් අල් හසන් නොදැවී ලකුණු 64ක් තම කණ්ඩායම වෙනුවෙන් එක් කළා.
Aryan Dutt සහ Paul van Meekeren එක් ව කඩුලු 02ක බැගින් බිඳ දැමූ අතර Tim Pringle හට එක් කඩුල්ලක් හිමි වුණා.
ජයග්රහණයට ලකුණු 160ක ඉලක්කයක් හඹා ගිය නෙදර්ලන්ත කණ්ඩායම පන්දුවාර 20 අවසානයේ දී කඩුලු 08ක් දැවී ලබාගත්තේ ලකුණු 134ක් පමණයි.
එහිදී Sybrand Engelbrecht ලකුණු 33ක් ද, Vikramjit Singh ලකුණු 26ක් සහ නායක එඩ්වර්ඩ්ස් ලකුණු 25ක් බැගින් රැස් කළා.
කඩුලු බිඳ දැමීමේ දී Rishad Hossain කඩුලු 03ක්, ටස්කින් අහමඩ් කඩුලු 02ක් සහ එක් කඩුල්ල බැගින් Mustafizur Rahman, Tanzim Hasan Sakib සහ Mahmudullah දවා ගත්තා.
තරගයේ වීරයා සම්මානය නොදැවී ලකුණු 64ක් ලැබූ අල් හසන් දිනා ගත්තා.
මෙම තරග ජයත් සමග D කාණ්ඩයෙන් බංග්ලාදේශය තමන් මුහුණදුන් තරග 03න් දෙකක් ජයග්රහණය කරමින් දෙවැනි ස්ථානයට පැමිණියා.
ඒ සමග ශ්රී ලංකා කණ්ඩායමට යන්තමින් හෝ සුපිරි 08 දෙනා අතරට යෑමට තබා තිබූ නෙදර්ලන්තය ජයග්රහණය කරාවි යැයි යන බලාපොරොත්තුව ද බිඳ දමා නියත වශයෙන් ම මෙවර ලෝක කුසලානයෙන් මූලික වටයේ තරගයෙන් ම ඉවත් වීමට සිදු වුණා.
