බංගලීන්ට එරෙහි T20 තරගාවලියේ පළමු තරගය අද රෑ පල්ලෙකැලේ දී

ශ්‍රී ලංකාව සහ බංග්ලාදේශය අතර පැවැත්වෙන පන්දුවාර 20 – 20 තරග තුනකින් සමන්විත ක්‍රිකට් තරගාවලියේ පළමු තරගය අද (10) ඇරඹෙනවා.

ඒ මහනුවර පල්ලෙකැලේ ක්‍රීඩාංගණයේ දී රාත්‍රී 07ටයි.

ශ්‍රී ලංකා කණ්ඩායමේ නායකත්වය චරිත් අසලංකට හිමි ව තිබෙනවා.

ඒ නිත්‍ය නායක ලෙස කටයුතු කරන වනිඳු හසරංග පාදයේ ආබාධයකට ලක්වීම හේතුවෙන්.

මෙම ආබාධ තත්ත්වය මත වනිඳුට බංග්ලාදේශයට එරෙහිව පැවැත්වෙන තරග තුනම අහිමි වනු ඇති බවත් අන්තර්ජාතික ක්‍රිකට් කවුන්සිලය ඊයේ නිවේදනය කළා.

බංග්ලාදේශයේ නායකත්වය කඩුලු රකින ක්‍රීඩක ලිට්න් ඩාස් හට හිමිව තිබෙනවා.

බංග්ලාදේශය වෙනුවෙන් T20I කණ්ඩායමට නම්කර සිටින්නේ; Tanzid Hasan, Parvez Hossain Emon, Litton Das, Towhid Hridoy, Shamim Hossain, Jaker Ali, Mehidy Hasan Miraz, Tanzim Hasan, Rishad Hossain, Taskin Ahmed, Mustafizur Rahman යන ක්‍රීඩකයින්.

ශ්‍රී ලංකා කණ්ඩායම වෙනුවෙන් පැතුම් නිස්සංක, කුසල් මෙන්ඩිස්, කුසල් පෙරේරා, අවිශ්ක ප්‍රනාන්දු, චරිත් අසලංක, දසුන් ශානක, දුනිත් වෙල්ලාලගේ, චාමික කරුණාරත්න, වනිඳු හසරංග, මහීෂ් තීක්ෂණ, ජෙෆ්‍රි වැන්ඩර්සේ, නුවන් තුෂාර, මතීෂ පතිරණ,බිනුර ප්‍රනාන්දු නම්කර තිබෙනවා.

ශ්‍රී ලංකාව සහ බංග්ලාදේශය අතර මෙතෙක් T20I තරග 17ක් පවත්වා ඇති අතර ඉන් 11ක ම ජය හිමිව ඇත්තේ ශ්‍රී ලංකාවටයි.

ශ්‍රී ලංකාව හා බංග්ලාදේශය තම මව්බිමේ දී T20I තරග දෙක බැගින් ජයගෙන තිබෙනවා.

මේ අතර සංචාරක බංග්ලාදේශයට එරෙහිව පැවති ටෙස්ට් තරගාවලිය හා එක්දින තරගාවලිය ද ශූරත්වය ඉසිලුවේ සත්කාරක ශ්‍රී ලංකාවයි.