බංග්ලාදේශයේ සුළු ජාතීන්ට එල්ල වූ ප්රහාර පිළිබඳව එක්සත් ජාතීන්ගේ මානව හිමිකම් කවුන්සිලය විසින් විමර්ශනයක් සිදු කරනු ලබන බවට විදෙස් මාධ්ය වාර්තා කරනවා.
අගෝස්තු මාසයේ දී බංග්ලාදේශයේ සිවිල් ජනතාව සහ විශ්වවිද්යාල ක්රියාධරීන් මැදිහත්ව මෙහෙය වූ ආණ්ඩු විරෝධී උද්ඝෝෂණ හේතුවෙන් සහ එම සිදුවීමෙන් පසුව ද; සුළු ජාතීන්ගේ අයිතීන් බිඳ වැටුණු බවයි එක්සත් ජාතීන්ගේ සංවිධානය පෙන්වාදෙන්නේ.
එහි මානව හිමිකම් මහ කොමසාරිස් වොල්කර් ටර්ක් මහතා ඊයේ (30) ඩකා හි දී පැවති සාකච්ඡාවක දී ප්රකාශ කළේ; රජයේ අන්තර්වාර ප්රධාන උපදේශක මුහම්මද් යුනුස් සහ අනෙකුත් උපදේශකයින්, සිවිල් සමාජ සාමාජිකයින්, සිසුන් හමු වී මෙම සිදුවීම් දාමය පිළිබඳව සාකච්ඡා කළ බවයි.
“අපගේ කරුණු සෙවීමේ මෙහෙයුම අගෝස්තු 5 සහ 15 අතර සුළු ජාතීන්ට එරෙහි ප්රහාර පිළිබඳ චෝදනා විමර්ශනය කරයි”යනුවෙන් එක්සත් ජාතීන්ගේ මානව හිමිකම් කවුන්සිලයේ මහාලේකම්වරයා සිය දෙදින බංග්ලාදේශ නිල සංචාරයෙන් අනතුරුව පැවසුවා.
එමෙන්ම බංග්ලාදේශයේ අරගල තුළ දී සුළු ජාතික ප්රජාව ආරක්ෂා කරගැනීම වෙනුවෙන් එරට සිසුන් සහ සෙසු පිරිස් විසින් ගනු ලැබූ උත්සාහයන් ද එක්සත් ජාතීන්ගේ සංවිධානය අගය කර තිබෙනවා.
