ශ්රී ලංකා පොදුජන පෙරමුණ සමග නැවත එක්වන ලෙස ජනාධිපතිවරණ අපේක්ෂකයා සහ පක්ෂයේ ජාතික සංවිධායකවරයා වශයෙන් සියලු මන්ත්රීවරුන්ගෙන් ඉල්ලා සිටින බව පාර්ලිමේන්තු මන්ත්රී නාමල් රාජපක්ෂ මහතා පවසනවා.
ජනාධිපතිවරණ අපේක්ෂකයා වශයෙන් නිල වශයෙන් නම් කිරීමෙන් අනතුරුව නාමල් රාජපක්ෂ මහතා මෙම ඉල්ලීම සිදු කළා.
අද (07) පෙරවරුවේ බත්තරමුල්ල – නෙළුම් මාවතේ පිහිටි පොදුජන පෙරමුණු පක්ෂ මූලස්ථානයේ දීයි මෙම අපේක්ෂකත්වය පිරිනැමීම සිදු කෙරුණේ.
මෙවර ජනාධිපති අපේක්ෂකයා නාමල් රාජපක්ෂ බවට ප්රකාශ කරනු ලැබුවේ පක්ෂ මහලේකම් නීතිඥ සාගර කාරියවසම් මහතා විසින්.
මෙම අවස්ථාවට පක්ෂ නිර්මාතෘ බැසිල් රාජපක්ෂ, හිටපු ජනපති මහින්ද රාජපක්ෂ ඇතුළු පිරිසක් එක් ව සිටියා.
