ඉදිරි ජනාධිපතිවරණයේ දී ශ්‍රී ලංකා පොදුජන පෙරමුණෙන් වෙනම අපේක්ෂකයෙකු ඉදිරිපත් කිරීමට පක්ෂ සභාපති හිටපු ජනපති මහින්දා රාජපක්ෂ ඇතුළු ජ්‍යේෂ්ඨ සාමාජිකයින් ගත් තීරණයට එරෙහි ව අද (29) දිනයේ දී ඡන්ද 11ක් හිමි ව තිබෙනවා.
අද පස්වරුවේ හිටපු ජනාධිපති මහින්ද රාජපක්ෂගේ නිල නිවස පිහිටි විජේරාමේ දී මෙම විශේෂ දේශපාලන මණ්ඩල රැස්වීම පැවැත්වුණා.
මෙම විශේෂ සාකච්ඡාවට පොහොට්ටුව නියෝජනය කරමින් දේශපාලන මණ්ඩලයේ සාමාජිකයින් 82කු ලැයිස්තුවේ සිටි අතර මෙයින් 79 ක් රැස්වීමට එක් ව සිටි බවත් වාර්තා වනවා.
එහිදී ජනාධිපතිවරණයට පොහොට්ටුවෙන් අපේක්ෂකයකු ඉදිරිපත් කිරීම සඳහා වූ යෝජනාවට විරුද්ධ වූයේ පැමිණ සිටි සාමාජිකයින්ගෙන් 11 දෙනෙකු පමණි.
පොහොට්ටුවෙන් පිට අපේක්ෂකයකු සඳහා සහාය දෙන අයට විරුද්ධ ව විනය පියවර ගැනීම සඳහා වූ යෝජනාවට විරුද්ධ වූයේ 06 දෙනෙක් පමණක් බවත් වාර්තා වනවා.
අදාළ තීරණයට එළැඹ ඇත්තේ දේශපාලන මණ්ඩලය තුළ පැවති ඡන්ද විමසීමකින් අනතුරුව බවයි පැවසෙන්නේ.
ඒ අනුව පක්ෂය විසින් ඉදිරිපත් කරන අපේක්ෂකයා ඉදිරි දින කිහිපය තුළ ප්‍රකාශයට පත් කිරීමට සූදානම් බව ද පක්ෂ ආරංචි මාර්ග පවසනවා.
මෝඩ ධම්මික තමයි බිලි බෝයි. සිතාම්බරපට කතාව මතක් වෙනවා සක්ඛාය දිඨිටිය එක්කම.