පොලිසියේ වෙඩි තැබීමෙන් තරුණයෙකුට තුවාල

ඇල්පිටිය ඌරගස්මංහන්දිය ප්‍රදේශයේදී පොලිසිය කළ වෙඩි තැබීමකින් සැකකරුවෙකු තුවාල ලබා තිබෙනවා.

එම සැකකරු අත්අඩංගුවට ගැනීමට උත්සාහ කළ අවස්ථාවේ පොලිසියට තියුණු ආයුධයකින් පහරදීමට යාමේදීයි පොලිසිය වෙඩි තබා ඇත්තේ.

වෙඩි ප්‍රහාරයෙන් 26 හැවිරිදි සැකකරුගේ පාදයකට තුවාල සිදුව තිබෙනවා.

ඔහු ප්‍රතිකාර සඳහා ඇල්පිටිය රෝහලට ඇතුලත් කර ඇතැයි සඳහන්.