පොලිස් සේවය තුළ සිටියදී නීතිවිරෝධී මත්ද්රව්යයට ඇබ්බැහි වූ යැයි තහවුරු වූ පොලිස් නිලධාරීන් 17 දෙනෙකුගේ සම්පූර්ණයෙන් ම සේවයෙන් ඉවත් කර ඇති බව පොලිස් මාධ්ය ප්රකාශක ජ්යේෂ්ඨ පොලිස් අධිකාරි බුද්ධික මනතුංග මහතා පවසනවා.
අද (11) පැවති විශේෂ මාධ්ය හමුවකට එක්වෙමින් පොලිස් මාධ්ය ප්රකාශකවරයා පැවසුවේ ඉහත කී නිලධාරීන්ගේ සේවය අත්හිටුටීමක් නොව මුළුමනින්ම ඔවුන්ව සේවයෙන් ඉවත් කිරීමට පොලිස්පතිවරයාගේ උපදෙස් මත සිදු කර ඇති බවයි.
එම පොලිස් නිලධාරීන් 17 දෙනා ම රාජකාරිවලින් ඉවත් කර, සේවයෙන් පහකර ඇත්තේ ශ්රී ලංකා පොලිස් සේවයට අපකීර්තියක් ගෙන දෙන්නවුන් සේ සලකා බවත් සියලු දෙනාගේ වෛද්ය වාර්තා තහවුරු කරගැනීමෙන් අනතුරුව මෙම ක්රියාමාර්ග ගෙන ඇති බව ද පොලිස් මාධ්ය ප්රකාශකවරයා පැවසුවා.
මේ වනවිටත් පොලිස්පතිවරයාගේ උපදෙස් මත තවත් පොලිස් නිලධාරීන් පිරිසක් වෛද්ය පරීක්ෂණ වෙත භාජනය කර ඇති බවත් වෛද්ය වාර්තා ඔවුන් මත්ද්රව්යය ගන්නා බවට තහවුරු වුවහොත් සේවයෙන් ඉවත් කිරීමක් සිදු කරන බව ද ශ්රී ලංකා පොලිසිය පවසනවා.
ඉහත පොලිස් නිලධාරීන් 17 දෙනා ම පසුගිය සිව්මසක කාලයක් තුළ මත්ද්රව්ය චෝදනා මත ඉවත් කර තිබෙනවා.
එමෙන්ම එවැනි චෝදනා ලැබූ පොලිස් නිලධාරීන්ගේ නාම ලේඛනයක් ද සකස් කර ඇති බවයි බුද්ධික මනතුංග මහතා වැඩිදුරටත් සඳහන් කළේ.
