spot_img
spot_img
spot_img
AFC Banner
Empty Ad
Empty Ad

පොලිස් වෙස්ගෙන පුද්ගලයෙකු කොල්ල කෑ කල්ලියක දෙදෙනෙක් අත්අඩංගුවට

කහතුඩුව, පොල්ගස්ඕවිට ප්‍රදේශයේ නිවසකට පොලිස් නිලධාරින් බව පවසමින් ඇතුළු වී නිවෙස්හිමියා ග්‍රහණයට ගෙන රුපියල් එක් ලක්ෂ හැට දහසක මුදලක් කොල්ලකා අනතුරුව එම පුද්ගලයාව මොරටුව ප්‍රදේශයට රැගෙන ගොස් තවත් රුපියල් ලක්ෂ තුනක මුදලක් බලහත්කාරයෙන් ලබාගත් කල්ලියක දෙදෙනෙක් වසර 02කට පසු අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය පවසනවා.

මෙලෙස අත්අඩංගුවට ගත් සැකකරුවන් දෙදෙනා අතර කොළඹ දිස්ත්‍රික්කයේ ශ්‍රී ලංකා පොදුජන පෙරමුණේ හිටපු ප්‍රබල අමාත්‍යවරයෙකුගේ රියදුරෙක්ව සිටි අයෙක් ද සිටින බවයි වාර්තා වන්නේ.

අත්අඩංගුවට ගත් අනෙක් පුද්ගලයා පතල් කර්මාන්තයේ නියැලුණු අයෙක් බවයි පොලිසිය සඳහන් කළේ.

2021 වසරේ අප්‍රේල් මස 08 වන දින එම කල්ලිය නිවස තුළට කඩාවැදී හොරයින් මත් කුඩු ජාවාරම සම්බන්ධයෙන් කරුණු විමසා අනතුරුව නිවස පරීක්ෂා කරන මුවාවෙන් එහි තුළ තිබූ රුපියල් 160,000ක මුදලක් කොල්ලකා, අනතුරුව එම පුද්ගලයාගෙන් තවත් රුපියල් ලක්ෂ 10ක මුදලක් ඉල්ලා එම පුද්ගලයාට අයත් වෑන් රථයෙන්ම ඔහුව මොරටුව ප්‍රදේශයට රැගෙන ගොස් ඔහුගේ සහෝදරයකු මාර්ගයෙන් රුපියල් ලක්ෂ 03ක මුදලක් ලබාගෙන පලාගොස් ඇති බවයි පොලිස් විමර්ශන වලදී අනාවරණය වී ඇත්තේ.

අත්අඩංගුවට ගත් සැකකරුවන් දෙදෙනාගෙන් සිදුකරන ලද දීර්ඝ ප්‍රශ්න කිරීමේ දී මෙම කොල්ලකෑම සඳහා දැනට සේවයේ යෙදෙන පොලිස් නිලධාරීන් කිහිපදෙනෙකුගේ සහාය ද ලබාගෙන ඇති බවට අනාවරණය කරගෙන තිබෙනවා.

මෙලෙස අත්අඩංගුවට ගත් සැකකරුවන් දෙදෙනා බුලත්සිංහල සහ අයගම යන ප්‍රදේශවල පදිංචිකරුවන් දෙදෙනෙක්.

ඔබේ ප්‍රතිචාරය කුමක්ද ?
+1
0
+1
1
+1
3
+1
1
+1
0
+1
1
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?