ඉදිරියේදී පැවැත්වීමට නියමිත පළාත් පාලන මැතිවරණය සදහා පළමු වරට ඇපමුදල් තැන්පත් කිරීම අද (05) ශ්රී ලංකා පොදුජන පෙරමුණ විසින් කළුතර දිස්ත්රික් ලේකම් කාර්යාලයේ දී සිදුකරනු ලැබුවා.
කළුතර දිස්ත්රික්කයේ ප්රාදේශීය සභා 13ක් සහ නගර සභා 4ක් වශයෙන් පළාත් පාලන ආයතන 17ක් වෙනුවෙනුයි මෙහිදී ඇපමුදල් තැනපත් කෙරුණේ.
ඇප මුදල් තැන්පත් කිරීමට පැමිණි මන්ත්රී රෝහිත අබේගුණවර්ධන ඇතුළු පිරිස කළුතර බෝධීන් වහන්සේ වෙත පැමිණ ආශීර්වාද ලබා ගැනීමෙන් පසු කළුතර දිස්ත්රික් ලේකම් කාර්යාලය වෙත පැමිණ ඇප මුදල් තැන්පත් කර තිබෙනවා.
ශ්රී ලංකා පොදුජන පෙරමුණේ මහලේකම් පාර්ලිමේන්තු මන්ත්රී නීතිඥ සාගර කාරියවසම්, මන්ත්රී නාමල් රාජපක්ෂ, ජොන්ස්ටන් ප්රනාන්දු , සනත් නිශාන්ත, ජයන්ත කැටගොඩ, සංජීව එදිරිමාන්න, කාංචන ජයරත්න සහ හිටපු පළාත් සභා සහ පළාත් පාලන නියෝජිතයන් පිරිසක් මෙම අවස්ථාවට එක්ව සිටියා.
