පාතාල කල්ලි සාමාජිකයෙකු සහ මත්ද්‍රව්‍ය ජාවාරම්කරුවෙකු ලෙස හැඳින්වෙන පොඩි ලැසී අත්අඩංගුවට ගෙන තිබෙනවා.
ඒ ඉන්දියාවේ මුම්බායිහි දී යි.
මෙරට පාතාලයේ ප්‍රබල ගණයේ මත්ද්‍රව්‍ය ජාවාරම්කරුවෙකු සහ අපරාධකරුවෙකු ලෙස සැලකෙන පොඩි ලැසී නමැත්තා ඇප මත මුදාහැරියේ පසුගිය 09 වැනි දිනයි.
පොඩි ලැසී ඇප මත මුදා හැරීමෙන් පසු අතිසුඛෝපභෝගී රථ පෙරහැරකින් කොළඹ ප්‍රදේශයට ගොස් තිබූ අතර එතැන් සිට මේ දක්වාම පොඩි ලැසී පිළිබඳ ව කිසිදු තොරතුරක් දැන ගැනීමට හැකියාවක් ලැබුණේ නැහැ.
ආරක්ෂක අංශ සැක පළ කළේ ‘කුඩු සලිඳු’ සහ පාතාල කල්ලි නායක ‘පොඩි ලැසී’ හොර රහසේම රටින් පලාගොස් ඇති බවයි.
මෙම අපරාධකරුවන් දෙදෙනා මුහුදු මාර්ග ඔස්සේ විදේශ රටකට පැන යන්නට ඇති බවට විශාල සැකයක් මතු වූ අතර ඒ පිළිබඳව ආරක්ෂක අංශ ද දැඩි විමසිල්ලෙන් පසුවුණා.
කෙසේවෙතත් මෙවන් පසුබිමක් තුළදියි පොඩි ලැසී නමැත්තාව අද දහවල් ඉන්දියාවේ දී අත්අඩංගුවට ගැනුණේ.
