ගිරිඋල්ල දඹදෙණිය ශ්රී විජේසුන්දරාරාම රජමහා විහාරස්ථානයේ වාර්ෂික දළදා පෙරහැර හේතුවෙන් විශේෂ රථ වාහන සැලැස්මක් ක්රියාත්මක බව පොලිසිය පවසනවා.
පෙරහැරේ සමාරම්භක උත්සවය හෙට (05) පස්වරු 6ට අති උත්කර්ෂවත් ආකාරයෙන් ආරම්භ කිරීමටයි සැලසුම් කර ඇත්තේ.
විහාරස්ථානයෙන් රාත්රී 10ට ආරම්භ වන පෙරහැර ගිරිඋල්ල නාරම්මල ප්රධාන මාර්ගයේ වීථි සංචාරය කිරීමට නියමිතයි.
ඒ අනුව එදින රාත්රී 9 සිට පසුදා අලුයම 2 දක්වා ගිරිඋල්ල කුරුණෑගල ප්රධාන මාර්ගයේ මාපාගෙදර හන්දියේ සිට දඹදෙණිය සමුපකාර ඉන්ධන පිරවුම්හල දක්වා මාර්ගය පෙරහැර නැරඹීමට පැමිණෙන මහ ජනතාවට සහ එදිනෙදා මාර්ගයේ ගමන් ගන්නා වාහන හේතුවෙන් අවහිර වීමට ඉඩ ඇති බැවින් විකල්ප මාර්ග භාවිත කරන ලෙසටයි පොලිසිය දැනුම් දෙන්නේ.
